...
ابيات وجهتها لاحد الاخوان
و اتمنى ان تحظى ولو بالقدر اليسير من اعجابكم
اضعها بين ا ديكم ... والتمس العذر منكم على التقصير الحاصل..
على غبّة محيط الشعر حرّك مركب القيفان = تنطّح موجه العالي وداعب نسمة اشعاره
تحرك بالمثايل من هجوس الخاطر االطربان = ويبحث داخل اعماقه عن اللولو ومحّـــاره
هجوسي ياهجوسي طال وقتي والفرح ما بان = ليامنّي بنيت الساس عيّا يثبـــــت اجداره
ليا مني صدقت الود بانت جفــــوة الخــلان = عجايب يالغرام اللي عجزنا نقطف اثماره
اغمّض و اجحد الواقع وعدّي كن ماشي كان = واقول الوقت يتبدّل وخلي بقبل اعذاره
واقول ان الهوى قاسي ولايسلم من الاحزان = ولا نستعجل الاحداث والايام دواره
ولكن كل شي ٍ له حدود وطوّل الهجران = واشوف ان الخطا يزداد في حجمه و معياره
وبعد نزف الدموع اللي شكت من سيلها الوديان = وزفرات الضمير اللي توقد ماطفت ناره
تذكرت الصديق اللي يخفف لوعة الحرمان= صدوق ٍ في شعوره واعتلى بالقلب مقداره
صديق ٍ مثل طيبه ما انوجد في هالوجود انسان = انا اقصد وقتنا الحاضر وكل وقت ٍ له اخياره
اخصّه بالكلام وقدم عينه واضح البرهان = سهر واحزان والحر القطامي يفهم الشّاره
ياوافي كل مامديت كف الطيب ( جا) نكران = وش الحيله ترى مثلك حكيم ونتبع اشواره