علي فلاح العضياني
تعال يالحربي ترى ما عاد فيه مجاملات=في خاطري كلمه تسمّعها و أنا بقولها
إشرب و صدّر من نهر دجله و من نهر الفرات=من يوم ربّي يا وسيع العرف جابك حولها
عبدالله الحربي
انا ترا ياصاحبي ما اسري تحت كم العبات =اسري على وضح النقا واقولها واطولها
اشرب من العد الروي واسقي كبود ضاميات=والناس اعاملها يابن عاضي بقد عقولها
علي فلاح العضياني
نبا نخلّد في جبين الوقت بعض الذكريات=تبقى و لا تمحى على طول السنه و فصولها
تاريخكم يا حرب مع رجّال و الرجّال مات=و اليومه أحسن قفّلوا بيبانكم بقفولها
عبدالله الحربي
انتم على الفعل الذي تذكر يابن عاضي ثقات =والناس ما تنسى فعول ابطالها وزحولها
ان مات ابن عواد جاك ابنه زبون الوانيات=يناوخ الفرسان لا جاها تفر خيولها
علي فلاح العضياني
الله يجيب الغيث لين الارض يكسيها النبات=من وبل همّال المزون اللي تهلّ ثعولها
اللي بدون قرون يصدم فالجبال الراسيات=من كبر عقله ودّه جبال السراه يزولها
عبدالله الحربي
ياعلي انا بنشدك عن بعض العلوم الساريات=اللي يضويها على بعض الرجال خبولها
بعض الأوادم ودك انه ما يقدم بالصلاة=حيثه ما يدري بالصلاه ولا عرف مدلولها
علي فلاح العضياني
أثر الجمال الساحليّه لا هدير و لا لهات=ترغي و تبرك ما تقوم و لا تشيل حمولها
يا ليت أبوك الله يغفر له رقد ليله و بات=خلّ السوالف يا طويل العمر حسب اوصولها
عبدالله الحربي
الاولات من الكبر طول الليالي باركات =ماعاد يشقيها الندا لو قاموا وصاحوا لها
والتاليات حمولهن زادن وهنه صابرات=وانته تحاول تقطع السكه على مرسولها