اقتباس:
المشاركة الأصلية كتبت بواسطة الكايد2000
مرحبا ابو غازي شهادتي فيك مجروحه لاني من اشد المعجبين فيك
حبيت اسألك ليش انت بعيد عن الاعلام اتوقع ان السبب انت لان شاعر بحجمك اكيد انه اضافه لكل مطبوعه او قناه اعلاميه
مرحبا فيك بين ربعك ياليت قصيده غزليه
|
ابقاك الله
الاعلام ما ني بعيد عنه لكن انا ضد التواجد فقط من اجل الاستهلاك والحضور الاعلامي فقط ... والشاعر الحقيقي عنده احساس انه اقوى من الاعلام ... اليس الشعر هو اساس الاعلام عند العرب !!
تبشر وتمون وهذه القصيدة اهداء لك
جادلٍ كن الطبيعة كلها في وجنتيها=اقبلت مثل السحاب وسولفت مثل ابرديه
واثقه من نفسها مثل اصلها في والديها=والخوي لا شافها يبغى السموحه من خويه
راح قلبي خاتمٍ بين اصبعينٍ في يديها= ما فطنت الا وانا قلبي زد اهديته هديه
مير هبي يا هجوسٍ قافها منها وفيها=اوصفي بنت الترف بالطيب ما هو بالخطيه
اوصفيها لين تصحى قبل لا يغمى عليها=ووصفيها لين انا اصحى قبل لا يغمى عليه
طالبك ذمه وامانه يا هجوسي انصفيها=دام راعدها يحن من السماء للجاذبية
ودامها بنت الشيوخ اللي ليا صعبت نجيها=ودام مجلسها يفوح من العطر والشاذلية
ودامها بنت السخاء والجود كله يعتزيها=هاجسي يا هاجسي لا لا ترد الشور ليه
اعذب اعذب ما تعرفه اقطفه وارمه اليها= ملهمتك اللي سرتبك ما يكفيها شويه
لا ترد الخاطر اللي فز شفقانٍ يبيها=لين يروى من تواصيف العلوم النرجسيه
ولين يرضى شعرها اللي من وراها مبتليها=ولين يرضى جيدها ثم ايتهزع سامريه
ولين ضحكتها تبان وتطلبك شوقٍ يجيها=ولين تسرق كحلها من عينها العاطفيه
جادلٍ كن الشفق ياللي تخيلها نسيها=جابها عندي وانا اللي ما تدبرت الوصيه
يا عليها شي يفتن؟؟ يا عليها ؟؟ يا عليها؟؟=كل شي(ن) في جسدها فيه سحر وجاذبيه
[/QUOTE]