علي فلاح العضياني
ولًع الطاروق بيني و بينك يالجلاه =لين يصبح شعلةٍ فالسّما دخانها
صاحبي ناصر نشوفه تدنّى مستواه=بعد طاحت بندقه وإنكسر نيشانها
ناصر الجلاه
استعدوا للعنا من يبى مقصد لقاه=شبها وإن قاله الله تطيح وزانها
ماتقيمني ولا أنته بقاضٍ للقضاه=وانت راعي بندقٍ والخطا برهانها
علي فلاح العضياني
كلّ ما صاد ... العضياني الصيد اشتواه=الطيور البرق بأشكالها و ألوانها
الغبي ما يدري إنّه غبيٍ من غباه=والعلوم يجيبها مصتغي ميزانها
ناصر الجلاه
صيد ابن ثعلي نعرفه ماحلل بأذكاه=يوم صيد أهل الولع جزلها وأسمانها
من يمد الكف للناس يرجع له ملاه=(( الرساله نصها موجزه عنوانها ))
علي فلاح العضياني
صيدنا طيّب و معروف ما فيه إشتباه=الحرار .... الخير معقود في جنحانها
كنت أقول إنّ العصيمي حليل و ما علاه!!!=ليـــن نفسه قام يلعبّها شيطانها
ناصر الجلاه
واجب العربان في كسبهم تظهر زكاه=مار من كثر العرب ماعرفت اديانها
نشتري ونبيع صاف الذهب ساعة غلاه=وانت عاقبت فأم بضعه على دكانها
علي فلاح العضياني
العصيمي لايصلي على كل إتجاه=قبلة الاسلام مكه ومكه عانها
انت لوأ نشدك ويشنهي شروط الصلاه=تبتلش ماتعرف شروطها وركانها
ناصر الجلاه
العصيمي وجهته في طريقه ماعلاه=الأمانه حمل جاير لكنه صانها
وأنت لوقلنا من اللي غلبك تفول ذاه=اعترافٍ بالحقيقه ولاجحدانها