محمد الروقي=
انا بيني وبينك يالعصيمي شبت النيـران=ولو جبت المطافي ماعلى النيران من ماها
اخبرك فارسً فيما مضى وتحارب الفرسان=لكن الكبر شين وحالتك ذا الحين مارضاها
سعود العصيمي=
انا ماحب اشب النار في واحد من العتبان=لكن محمـد الروقـي يدورهـا ويلقاهـا
صحيبك مثل مانته خابره باقي على ماكان=يخصم القوم فالميقاف والعتبـان يرفاهـا
محمد الروقي=
نصحتك هالسنه يوم انت تمشي فالبلد فسقان=وقلـت العافيـه ياكثـر عربـانً تمنـاهـا
صحيبي لو تدبّر في علوم الديـن والقـران=يحفـظ حـدود ربـه مايجيهـا مايتعداهـا
سعود العصيمي=
شباب اليوم من يسمع نصايهم من الشيبان=مادام اطيبهم اللي لاكحل عينينـه اعماهـا
ترانا ديننا الاسلام ماغيره مـن الاديـان=ونعمل به ولااصغينا لعدوانـه ودعواهـا
محمد الروقي=
ترى ماكل شايب لاهرج يهرج وهو فهمان=بعضهم لاهرج ضوى المصيبه لو مايبغاها
نبا نسري في تال الليل وانا ذيب ياذيبااان=وسج الرجل والديبـان بالاقـدام ناطاهـا
سعود العصيمي=
لك الله يالعتيبي ماننقص وزنـة الميـزان=ومن مد الي نصف الكف مني ياخذ ملاهـا
توكلنا على الله يامحمـد والعلـوم سمـان=على دربي لقيت اجمال مهيومه وابا اطلاها
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|