السلام عليكم ورحمة الله وبركاته
حق الضيوف
جعل من لايقدم للضيوف السمين=تنبتر ساعده من تحت حد الكتوف
لين يمشي مع العالم بليا يمين=وان سئل وش بلاك يقول حق الضيوف
غير رجل ماياجدها وعنده يقين=ان ماقدمه للضيف اقل معروف
وجعل رجل بعينه يفضح المؤمنين=ينعمي لين يصبح عماء ما يشوف
وان سئل وين شوفك قال يامسلمين=راح شوفي لاني للمغطا كشوف
وجعل رجل لسانه يشذب الغافلين=يخرس الله لسانه عن جميع الحروف
وان سئل هز راسه يسار ويمين=اجدع ابكم عماء والناس حوله تطوف
ياخذون العبر والكل يحلف يمين=مايسوي سواته في جميع الظروف