هاني خاشقجي
سلام والا مرحيا ماهو مهم اللي يهم =ان الزعل مرفوع كلٍ في لزومه يحتزم
ولاهي غريبة من يقابلني يعّود منهزم=قال المثل من ذاقها مره ماعاد يعودها
سمعت لي عن سعود علوم واجد تمام =ينسف شماغ العقل من فوق طاقيته
ويرمي فراش الكرامه للوجيه الكرام =( استغفر الله ترى هاني على نيته )
سعود العصيمي
يامرحبا والا البقاء ماقلتها لاهل الردى=اقولها للي يقدمها على وجه القدى
وسعود هاني مايهزمه لن مشى والا عدى =قال المثل من ذاقها مره ماعاد يعودها
اعلومنا يالبخاري فاللقى والزحام =انذكي الرجل وانضوي الك رعيته
على الشحم والكرامه يقلطون الحشام = ياراعي الكلمه اللي قدر للحيته
هاني خاشقجي
انا ماجيتك غير ادّور قسم جدي ياسعود =اللي غدى مع ورث جدتكم بعد حكم السعود
هاته قبل لاندخل لخيمتك ونهز العمود =قال المثل من ذاقها مره ماعـاد يعودهـا
ماهو كذى نقض بيت الخصم يوم الخصام =ليت العصيمي ترّيح مع عصيميته
دامك تحط الشحم للي يجي ياااااااااااااسلام =عادة كريمٍ يعرف حقوق طرقيته
سعود العصيمي
انته وجدك قسمكم بقره وعجل من البقر=لكن ماهي عندنا دورلها عند الحضر
وان جيتني في خيمتي تبشر بشلفآ فالنحر=قال المثل من ذاقها مره ماعاد يعودها
مابغى لك دروس انا خصمك قطوع العرام = ليت البخاري تريّح مع بخارريته
عاداتنا تحتمي فالحرب روس الجهام = واللي سواتك نطلّع منه جنيته