[المحيــــــط]

تعديل القصيده / واعتذر عن الاخطاء


لتحميل القصيدة >>>>>> اضغــط هناااا

يا العموم ألزم نظام الصمت وغلاق الاثير=وستمع للي بقوله دون تمرير استشاره
لايقاطعني شنب مهما يصير اللي يصير=تلعب الاخلاق عندي بين بنزين وشراره
دام كل(ن)في قصيده يمتدح جال الغدير=بمدح اللي ها الغدير اصلا تكون من بخاره
المحيط اللي نزول الشمس يصلاه السعير=ثم تبخر للفضاء عقب احتمل قو الحراره
ثم تكون كتلتن متماسكه بذن القدير=ونهمر منه المطر ثم عم با الارض انتشاره
وامتلت كل الشعب لين ارتوت عقب الهجير=ثم ظهر ذكر الغدير اللي قبل رمل وحجاره
افهم افهم يافهيم وخ نوخ يابعير=شربكه في شربكه في فتلها تبغى جداره
البصير ابها عمى والا العمى فيها بصير=والذكي فيها غبي والا الغبي يفهم جداره
يازعيم الجن داقش وستلم وانت المدير=وياجنود افكار شعري شددي زام الخفاره
لايغادر من هجوسي لاصغير ولاكبير=ردهم ياهاجسي حسب الاوامر والاشاره
وياخلايا مخ راسي ارسميلي خط سير=يبتدي من راس مبدع لين زيزوم الاماره
وغلقي كل الخطوط اللي مزاجي تستثير=ورغمي وقتي دقايق في هدوه وبتكاره
ودخلي قوقل قصيدي واكتبي بعد النضير=ون فتح ديوان شعري انتقي قو العباره
وياقلم قم صاحب ابهامي على البوك استدير=ونثره حبرك ليا شنت بيوت الشعر غاره
من هنا يبدا قصيدي من هنا سيفي شطير=من هنا بذكر رفيع المستوى رمز الصداره
هو محمد ابن نايف ابن جهجاه الامير=عشت يبن حميد ذخر ومركز وساس وأماره
ياسمي المصطفى يا الشيخ ياخوي الكبير=يا سلاله نايف اللي مكتسب منه الصقاره
اسمح اسمحلي دقايق بس من شان الضمير=يحمل افعولك امانه والوعد حان انشطاره
من فعولك ودي اذكر بس الاوسط والاخير=من جسور الخير اببدا صفحتك وانت الاداره
تعتق الارقاب لله تمسحه دمع الضرير=ترجع البسمه لطفل(ن)طال جرحه بنتظاره
في جسور الخير علمك غانم وخيرك كثير=انت بسّاط اليمين اللي تغبى عن يساره
والمقام اللي ينومس فاز با الذكر وجدير=ماقفك لاوالله الا ماقف الهيلا شعاره
يوم ضاقت واستضاقت واصبح الموقف خطير=وكل شيخ(ن)قدم لشمر مسابيق اعتذاره
سقتها يا الحر الاشقر ما توحيت الشوير=وجبتها شهرين مهله والحكم صادر قراره
البشوت اللي تفاخر عند حكام و وزير=ما ثلجت صدري فعول ولاملت عيني نظاره
بشت غيرك لاضفى يبقى على كتفه ستير=دوب نفسه مادرت عنه البداوه والحضاره
وانت بشتك لاضفيته جاب لكتوفك خشير=ضف شمل اعتيبه اللي تكتسب اسماً كالنعاره
يا محمد ما مدحتك من فراغ الا سفير=جيت ابين للوفود اعظم مواقيف السفاره
يشهد الله ما مدحتك قصدي الشي الوفير=ما تصنع للنفاق ولقبله وجه الاعاره
شاعر ومبدع مجامل عبد لله وفقير=بس كنزي با القناعه يشتري كنز التجاره
كم شيخ(ن)لابغيت امدح جنابه استخير=الامدحك يا محمد خمني دون استخاره
كلمتين وبيت وحميا صهيلن مع هدير=اكمنت في خاطري واعلن قصيدي بنفجاره
والنتيجه بيض الله وجهك السمح المنير=دام شعري في وقارك اشهد انك في وقاره