سعود البرقاوي
يالمعتصم بالله وانته شاعر ونوعك فريد
تعال أبا اغني معك والليل ليلٍ سرمدي
وان كان تبغى الفايده دايم و تبغى تستفيد
اليا مشيت الدرب لاتمشي برجلك محتدي
المعتصم بالله
يا سعود قلي وش تبي واعطيك كل اللي تريد=العب وانا بلعب وتو الليل توه مبتدي
يا ناصح العربان قرب واخذ لك رايٍ سديد=الطيّب يزيدك وفا والا الردي دايم ردي
سعود البرقاوي
اباك قلبك من حجر ويكون راسك من حديد
وتعمّر البنيان من فوق البساط الاحمدي
اللي تقوله خابره ياخوك من وقتٍ بعيد
مار البلا فاللي يحط سهيل من دون الجدي
المعتصم بالله
المعتصم شاعر وباسه يا ولد دايم شديد=واللي براسه زمةٍ لابد يركد ويهدي
باول سنه نجحت انا وانته ترى يمكن تعيد=لكن خلك محترم واحذر تكون المعتدي
سعود البرقاوي
الله يزيدك ياوسيع العرف فالعصر الجديد
والله يبارك فيك ويعافيك دايم ويهدي
حبيت اوضح لك لكن الشرح مافاد البليد
اشرح ولايفهم ولايعرف وشنهو مقصدي
المعتصم بالله
فتش بيوتك كلها يا سعود ثم تصبح سعيد=والمقصد اللي تقصده عطنيه واذبح لك فدي
يا سعود انا ما قلت شوفوا يا جماعه هالقريد=لكن جر الصوت عجل وارفعه ثم انشدي
سعود البرقاوي
غنت لك الورقا وناحت لك على غصن الجريد
واعطيتك من الخير والمعروف في راحة يدي
بعض السوالف سعرها ياصاحبي سعرٍ زهيد
اللي شراها خطر من كثر السواليف يغدي
المعتصم بالله
الصوت صوتك يا ولد صوت الحمامه وش يريد=راحتك وان مديتها نحط لك شيٍ ندي
ماني براعي لفلفه يا سعود حذرا لا تحيد=الدرب قدمك معتدل الدرب قدمك جرهدي
سعود البرقاوي
ياصلك بكرة ردها ياخوك مع ساعي البريد
وتشوف وش قسمك بين المكينة والبدي
اللفلة ماهيب لك ياراعي الراس العنيد
لكن انا فالدرب صرت أمشي يابو زيد وحدي