سعود البرقاوي
أشوف بندر يسيّر من مكان إلمكان
يفتل شناباته وينقل سلاحه معه
وانا نويته بنيّة يالله المستعان
والليل مافيه غار الطرد والجربعه
بندر المرشدي
انكان توك تشوفه صاحبك من زمان=معروف بين الرجال اهل الشعر موقعه
الفعل ماتقدره لو كان ما انت بجبان=ان طعتني لا تورط ثم تضيق السعة
سعود البرقاوي
صورتك دوب اكملت والنور شعشع وبان
والسر في خاتم سليمان والا اصبعه
قدام اسوقك يابندر سوق بالخيزران
صابتك من محزمي رصاصةٍ مسرعه
بندر المرشدي
من صورتي في قليبك جاياً خريفشان=ذيبٍ تجلا على ما بالفلا وافزعه
تراني اشوف حجمك كبر راس اللبنان=لكن خل الهروج العوج والمعمة
سعود البرقاوي
بحر الهوى والمحبه والغلا والحنان
فيه السفينة ماتقدر ترفع الاشرعه
ما ودي أحرجك بالهرج القوي يافلان
ياللي تقول الثلاثه كنها الاربعه
بندر المرشدي
الظاهر انك تغيها على ليل أدان=لكن هرجتك هاذي ماهي بمقنعة
الشعر في حكمة الشّعار مثل الحصان=ما كل من شدّ سرجه يعرف يسنعه
سعود البرقاوي
لا بالله العلم مايحتاج له ترجمان
مار انت عجلان والموضوع ماتسمعه
شد الحزام القوي والا نمس البطان
لو كان ماعاد فيك طماعه ومطمعه