سعود البرقاوي
الاولة يامنتدى الهيلا عليك أجزل سلام
عد الهبوب اللي من المشرق يذعذع نودها
والثانية ودي بشاعر ياخذ ويعطي كلام
ويجيب مانبغى على مصدارها وورودها
حمد بن جوباح
الأوله يا مرحبا ترحيبة ٍ لأهل المقام = وأهل المقام إليا خذت تعطي على مقصودها
والثانيه من يبذل المجهود والله ما يلام = مير النوايا ما عرفنا بيضها من سودها
سعود البرقاوي
يالشيخ ابن جوباح مع باب الوفا والاحترام
ادخل وحث الرجل واذهن لاتزل حدودها
مسك البداية يالعتيبي غير عن مسك الختام
والمسك واحد والعرب ريحه يسر كبودها
حمد بن جوباح
سج القدم يا سعود فدروب المعاني والهمام = الناس خابر جودها والجود من ماجودها
كلمتك هذي يا عميلي لا حلال ولا حرام = اثر الحياه ادروس واعرف نقصها من زودها
سعود البرقاوي
كزيت لك واوميت لك وارخيت لك راس الحزام
وارسلت لك بالعلم طاردها ورى مطرودها
ركز وخلك منتبه واصحى وعينك لاتنام
البحر عانه يلتطم والارض يمشي دودها
حمد بن جوباح
يا يا سعود حلمك ما ينومس شيخ تفسير الحلام ..........
.......... أهل الفتن بزنودها واهل الدير بجنودها
ماني بغاوي علمكم يالله عساكم للرحام .......
........خذ لك كتيّب واعرف شروط العرب وبنودها
سعود البرقاوي
يامسلم اسلم واستلم واخشع على صوت الامام
واتقن صلاتك واتزن فركوعها وسجودها
بالله عليك شلون صار النور جلاي الظلام
حاول تجاوب صح وانته قدها وقدودها
حمد بن جوباح
يا سعود جبت العيد قبل العيد في شهر الصيام = قدّمت لك حجه قبل تثبت كلام شهودها
الرآي الآخر ليش ما صنــّـف بقسم الإنقسام = ام الكباير لو تحضــّـرها يحضـــّـر عودها
سعود البرقاوي
لا والله الا صابتك تحت اللحم فوق العظام
ياهونها مرة ومرة ثانية ياكودها
الراي الآخر مختلف ويخالف انظمة النظام
وام الكباير شرها في كتوفها وعضودها
حمد بن جوباح
السم في وسط الدسم والمر في ملح الطعام = أطبخ لك الطبخه وتاكلها وتلقى فودها
الرآي الأخر لو يواكب عصرنا في كل عام = ما كان شفت ام الكباير حامل بمولودها