[ابو عبد الإله]

هذه الابيات في
الاخ العزيز /مقعد طلق العصيمي

اتمنى ان تحوز على رضا الجميع

انا البارحه ماجاني النوم ياهذال=تقلبت لين الصبح قامت مواذينه
أفكر بهالدنيا ووقتٍ علينا مال= ميولٍ بعد ياخوك ياقشره وشينه
وأمسح دموعٍ تنهمر كنها الوبال=تسقي نخيل أهل الحريق وبساتينه
بعد شد ابوخالد حصل فالبيوت جفال=مثل ماجفل وعلٍ هل الصيد رامينه
تخوع يمين ايسار لكن مايحتال=رماه ابلجٍ جبع مفاصل كراعينه
وتنكس على راسه وجاه الحصى منهال=تحدر من اعلا الرجم حتى مطامينه
فقدنا خوي وجار تضربه الامثال =على الطيب والرفقه وماتفعل ايمينه
عسى الي كتب له للتقاعد يجيه هبال=وينشل من راسه لياحد رجلينه
وراء ماكتب له بس يعفى من الاعمال=ويبقى على راس العمل مع محبينه

آخر تعديل ابو عبد الإله يوم 23-May-2008 في 01:15 PM.