علي فلاح العضياني
سلطان من فضلك اقرب فيه علمٍ جديد=لا والله الاّ وصلك العلم يا صاحبي
الفارس اللي معه شلفا و سيفٍ حديد=يبا يذكّيك قبل يذكّي الاجنبي
سلطان الجـذع
في كل ليلة مضوي علم ماهو وكيد =لكن موعدك يوم السبت في مكتبي
فارس بطبعه ووصفه عنك ماهو بعيد =ولايسبق العاديات اللي فالارض يحبي
علي فلاح العضياني
إجمع زهابك ترى قافيك بكره شديد=قبل تقول العرب عانوه جا وش يبي ؟؟؟
وان مات سلطان ما عدّوه ربعه فقيد=ما غير واحد من الجذعان ماهو نبي
سلطان الجـذع
يامدعين التجارة ماش مثل الوليد = اللي يعّود براس المال والمكسبي
ماجاك من ربعك الجذعان غير العقيد =اللي يكفيك عن تسعين عود وصبي
علي فلاح العضياني
كم تاجرٍ فالبنوك أغنى منه بالرصيد=و الاكلبي فيه ناس أشعر من الاكلبي
الثوب الابيض يدور به الزمان و يبيد=واللي يفكّر يعيش الدهر كلّه غبي
سلطان الجـذع
الاحظ انك تناقص فالزمن ماتزيد =اليوم سبق الجمل والعام سبق الظبي
ماطاح سعر الذهب مابار جزل القصيد =مهما تدور الليالي غاية المطلبي
علي فلاح العضياني
موتك دنا منك عانه في حبال الوريد=لو قلت قلبي غدابه حبّ ساكن دبي
الرجل ما هوب عند حبيّب و لا رشيد=ويقول انا طالعٍ للعود جدّي و أبي