علي فلاح العضياني
سلطان من فضلك اقرب فيه علمٍ جديد=لا والله الاّ وصلك العلم يا صاحبي
الفارس اللي معه شلفا و سيفٍ حديد=يبا يذكّيك قبل يذكّي الاجنبي
سلطان الجـذع
في كل ليلة مضوي علم ماهو وكيد =لكن موعدك يوم السبت في مكتبي
فارس بطبعه ووصفه عنك ماهو بعيد =ولايسبق العاديات اللي فالارض يحبي
علي فلاح العضياني
إجمع زهابك ترى قافيك بكره شديد=قبل تقول العرب عانوه جا وش يبي ؟؟؟
وان مات سلطان ما عدّوه ربعه فقيد=ما غير واحد من الجذعان ماهو نبي
سلطان الجـذع
يامدعين التجارة ماش مثل الوليد = اللي يعّود براس المال والمكسبي
ماجاك من ربعك الجذعان غير العقيد =اللي يكفيك عن تسعين عود وصبي
علي فلاح العضياني
كم تاجرٍ فالبنوك أغنى منه بالرصيد=و الاكلبي فيه ناس أشعر من الاكلبي
الثوب الابيض يدور به الزمان و يبيد=واللي يفكّر يعيش الدهر كلّه غبي
الله الله
اجتمع المبدعين الليله
كما اجتمع النصر والابداع الليله
لولا الالم لستمرت المتابعه
الله يعين