ناصر الجلاه
سلطان قرب والهوى مازعزع ثقال الجبال=وأنته جبل وأنا جبل خل الجبل يصفق جبل
إن كنت طالب جامعي قرب وأخذ مني سؤال=اقرب للأرض من الكواكب شمسكم وألازحل ؟
سلطان الجـذع
الدرب قدمك مستوي والحمل ...فظهور الجمال =في ليلة نبا نخليها معك ...مضرب مثل
سؤالك اكبر منك ...لكن اصبر ايام وليال =ماينفع التعليم ...في عقلٍ مغطيه الجهل
ناصر الجلاه
ياشاعر الروقه جنوب المملكه غير الشمال=ماضاقت دروب البسيطه فالجزيره ياجمل
حنا تعلمنا لكن .. أنته عليك الوقت مال =الله يادنيا العنا فأصحابنا ماذا حصل !!
سلطان الجـذع
ياللي تجيبون الفناجيل وتكبون الدلال =نبا نعلم عيضه ومرزوق ونعلم وصل
حنا هرجنا من عقل وانتم هرجتوا من هبال=بغيت اكبر حملتك بس اعرفك ماتحتمل
ناصر الجلاه
علم كبار عتيبه اللي فالزمن لي رأس مال=مايستدل التايه المنجوم مار أخذ وخل
دام الثقه سكر حلا .. والملح عزٍ للرجال=ياللي تعشى (التونه الصفراء) على جبن وعسل
سلطان الجـذع
ياصاحبي ياصاحبي خل الغلط ماله مجال =ترى الجزاء ياشاعر اهل طحي من جنس العمل
ترى العقيمه ماتعقب لابنات ولاعيال =وانته تصوم تصوم ياناصر وتفطر بالبصل
ناصر الجلاه
ما أنته بكامل يالجذع معروف لله الكمال=الله يعز اللي حيا والله يرحم من رحل
ترى الوسيمه في خدود شعيل لو العمر طال=لكن هد النفس ياسلطان .. دارك والعجل
سلطان الجـذع
لاوالله الا راحت علومك يابن عاصم خبال =سبحان رب محرمك ياصاحبي قول الجزل
اشتلت لك حملة مطيه من مشاريه الرجال =الشعر ماهو خبط عشوى ,,,ياولد نقض وفتل
ناصر الجلاه
ياربعنا لدوا لبن عساف مع مر الليال=اتلا زمانه صاحبي هرجه خراميط وهزل
يلف ثم يدور لكن مالقا درب ومجال=عود يصوت فالخلا (( من شاف لي قطعة همل ))