[ماجدالمسعودي]

يتبــــــــــــــــــــــــــــــع <<<<<



ترى جرح الغدر وأن
طال فيني ماترجيتك
ألا وأن مات حبي لك
على كف العزى شلته
ــــــــــــــــــــــــــــــــــــــــــــــــــ ـــ


حظي رماني بين عدوان وأحقاد
وناس على نغمات حزني يغنون
أقسى من العالم على شعب بغداد
وأحقد من الكافر على اللي يصلون
راح وتركني في ظروفي ولا عاد
ترك العرب للقدس بيدين شارون
ـــــــــــــــــــــــــــــــــــــــــــــــــ
فكرت مره أخطفك ليل وأنحاش
وصممت من قلبي أنفذ قراري
وفعلا"لبست حزام ناسف ورشاش
وأخذت أحتياطات الحذر والطواري
حلمن حلمته ليل ثم طاش ماطاش
وأصبحت ماعندي من الشر طاري
ــــــــــــــــــــــــــــــــــــــــــــــــــ ـــــ
اليوم بالجرح والله لأخذ بثارك
وأسقيك من دم قلب خيب ظنونك
خله ترى اللي حصل من لعنة أقدارك
وأرحل مع اللي يحبك وصل ويصونك
وماجيت أبنشد عن الهجران وأخبارك
جيت أبسألك بعد الجرح وشلونك؟
ــــــــــــــــــــــــــــــــــــــــــــــــــ ـــ
أرجوك لا تطري عذابك لغاليك
يكفي جروحه داخل القلب واجد
والله أحبك ياعذابي وأغليك
بس الزمن يفرض علينا نتباعد
يعز علي أغيب عنك وأخليك
يعز علي أشوف هالوقت جاحد
بكره تمر أوقات غيري تنسيك
ويمر أسمي تالي العمر بارد
ــــــــــــــــــــــــــــــــــــــــــــــــــ ـــ
لي جارت أيامك ومالت لياليك
وغاب من في ضيقتك حاسب له
أكتم جروحك لا تبين لعاديك
وأصبر ترى كثر الشكاوي مذله
وأحذر تبين همك لشامت فيك
قول المثل لا تزود الطين بله
يقولها اللي من زمانه يشاكيك
ومعلمه درس على غير حله
ـــــــــــــــــــــــــــــــــــــــــــــــــ
أساير الوقت وأثر الوقت متحدي
يطرح ويجرح ونار الموت مشبوبه
لا واعساها سحابة صيف وتعدي
الهاجس اللي يلوف القلب ويلوبه
أموت وأرحل وقدرك مانقص عندي
والعمر محدود والأيام محسوبه
ــــــــــــــــــــــــــــــــــــــــــــــــــ
دنيا غريبه والبشر مثلها أغراب
لو هي صفتلك ماصفولك بشرها
تعطيك من لذاتها كل ماطاب
تغريك ثم تغرقك في بحرها
وأنا عطتني دنيتي الزين والشين
اللي بناء دنيتي هو نفسه اللي دمرها
ــــــــــــــــــــــــــــــــــــــــــــــــــ ـــ
القلب مع طاري أهل المعرفه فز
يفز قلبي والوفاء يستفزه
أهل الكرم والجود للطيب مركز
مثل الجبل ما كل عاصف يهزه
وإن قيل من راع الوفاء قلت He is
عزيز والله بالمعزه يعزه
ــــــــــــــــــــــــــــــــــــــــــــــــــ ـــ
تجرح وتنساني ولا أقدر أسألك
من يسأل الجراح عن جور الجروح
وإذا سألتك قلتلي ويش مزعلك
وإذا سكت القهر في قلبي ينوح
ترمي الكلام تظن قلبي بيجهلك
أصعب كلام اللي جروحه ماتروح
ــــــــــــــــــــــــــــــــــــــــــــــــــ ـــ
نهاية مسيرك مثل ماصار مع غيرك
ينوي جمالك وعزتك وينسونك
تحاول تسلى بي على حد تفكيرك
أنا عارف اللعبه قبل تفتح عيونك
ترى واجبي أبتعد عنك تحذيرك
تراك الضحيه يامسكين لظنونك
ــــــــــــــــــــــــــــــــــــــــــــــــ
ماشكيت من الوله بين المحاني
ماجزعت من الفراق وكبر غله
ماتحس أنك فقدت إنسان غالي
مايمل القرب منك ولا تمله
كان تذكرني مع الخلوه ثواني
أنت في بالي ترى العمر كله
ـــــــــــــــــــــــــــــــــــــــــــــــــ
يبقى الرجاء لو زدتني هم وبعاد
ويبقى الغلا لو ضيعتني صحاريك
صحيح عن فرقاك ماني بمعتاد
لكن غلب وقت الرجاء في حراويك
والله لو روحي على الموت تنقاد
ما أنسى غلاك ولاني اليوم ناسيك
ــــــــــــــــــــــــــــــــــــــــــــــــــ ــ
طاوعك قلبك تخليني وتروح
وأنا أحسب أني غلاك ودنيتك
كنت أحسب أني بداوي بك جروح
مادريت أقسى طعوني طعنتك
من عليه أشكي بعد هجرك وأبوح
آه يامقسى حبيبي غيبتك
بس أنا لي قلب يالغالي سموح
لو جرحته ما تذكر زلتك
ـــــــــــــــــــــــــــــــــــــــــــــــــ
ليه الحقيقه تعتبر كذب ونفاق
ليه الصراحه بالمحبه جريمه
ليه الوفاء معدوم من كل الأعماق
ليه أنتصاري في غرامك هزيمه
ليه الجفاء يامحرقن قلبي أحراق
ليه المشاعر مالها أي قيمه؟
ــــــــــــــــــــــــــــــــــــــــــــــ
غيب على راحتك يامدور الراحه
ماسكن بالخفوق إلا أنت وطعونك
غبت والذكريات البيض ذباحه
ماوصل منك حتى قولة وشلونك
غب ترى الوقت ماتعنيني أفراحه
والله أني مقاطع فرحته دونك
ــــــــــــــــــــــــــــــــــــــــــــــــــ

ياصاحبي عسى البشر من فداياك
وعسى الزمن ياغايتي مايضرك
البعد مايبعد قلوب تمناك
مدام فيها ياحبيبي مقرك
نغليك ونحبك غلا موت نهواك
ويجرنا شوق الغلا اللي يجرك
لاتحسب ياحبيبي نسيناك
حتى الجفاء ياغايتي لايغرك
ـــــــــــــــــــــــــــــــــــــــــــــ

تسقيني إحساس وعلى شربه أدمنت
ولو كل حي تاب ماتبت عنه
أشد وأنزل وفي رحابك توطنت
عمري بقربك ينحسب وسط جنه
إن رحت ولا جيت تبقى كما أنت
الله فرضك وصرت بالعمر سنه
ــــــــــــــــــــــــــــــــــــــــــــــــــ


سمعت صوتك مع ليلي يناديني
وفزيت أدور على الصيحه وراعيها
مالقيت إلا مكالمه لم يرد عليها
أشتقت لك شوق الديره لهاليها
لو غاب طيفك ياروحي من يسليني
والنفس ماكل مخلوق بيرضيها
ــــــــــــــــــــــــــــــــــــــــــــــــــ


ألا ياوجودي وجد من فارق الخلان
تنحت به الأقدار عن دار مضنونه
على شوف خل شوفته تشفي الوجعان
حدوني أهل النمات بالهرج من دونه
حياة بدونه مثل بيت بلا سكان
كساه الغبار وعشش الطير بركونه
ــــــــــــــــــــــــــــــــــــــــــــــــــ ــــ
أبطي وتبطي ويبطي
حبك بقلبي
أسأل وتسأل ويسأل
شوقنا عنـا
أمشي وتمشي ويمشي
زولك بدربي
أروح وتروح ويروح
الزعل منــا
أبعد وتبعد ويبـــــــعد
من طلب قربي
أجيك وتجيني ونرجع
مثل ما كنــــا
ـــــــــــــــــــــــــــــــــــــــــــــــ
الحب كلمة سهله





معناها صعب





البعض راح فيها ضحيه





والبعض ينتظر المنيه





وأنا





معك ولك وفيك





أمــــــانه
لا تخليها في يوم للناس
قضيـــــه
أو قصـــه منسيـــــــــه !
ــــــــــــــــــــــــــــــــــــــــــــــــــ ــــ


يتبــــــــــــــــــــــــــــــع <<<<<<<<<<<
__________________