مزلزل الشعار
سلام علاكم كلكم ياهل السيل=سلامي عدد مالاح برق المخيله
يقولون ياكبتن لفاكم مراسيل=مراسيل جتكم من شيوخ القبيله
كبتن عتيبه
هلا مرحبابك هيل..والبن والهيل=يقدَّم على اللي يكسبون الجميله!!
ليا مرَّنا المحتاج نوفي له الكيل=ولن مرَّنا الغاوي مافاليد حيله!!
مزلزل الشعار
لاتخدع بناساً يشعبون الترنبيل= يبون المكاسب بين يومِ وليله
ياكثر الجمال اللي وراها جماميل=ولاكن ماتقو الحمول الثقيله
كبتن عتيبه
هذي قصةً فيها طغى القال والقيل=وكلاً من العتبان يعرف دليله!!
ليا شفت واحد منكسر يطلب الشيل=تبى تتركه فالارض والاّ تشيله؟!!
مزلزل الشعار
الاقزام تبغا تاصل الجدي وسهيل=وهاذي علاهم صعبه ومستحيله
انا مرفع الخايب قليل المحاصيل= على الارض خله لا يجيب الفشيله
كبتن عتيبه
علامك على أهل السيف والرمح والخيل=تراهم طوال ومن رجال الطويله!!
ولن كان عندك زايد الضغظ بالحيل=نبى نسلَّمك بكره عنان الأصيله!!
مزلزل الشعار
بعدمطلق وصياف وسطورة هذيل= مال الشعر قاضي فالعدل يشتكيله
بتال الزمان يجمعون المهابيل= وترى الشعر منهم صار يومي شليله