[/عبد العزيز الجذع/]

اعذرني اخوي وافي تلقفت ونسقت لقصيدة علشان تكون اوضح..

قالوا نبـي مـن قصايـدك الغراميـه= قلت الهـواء والغـزل قفلـت بيبانـه
انـا مـن الليلـه افكـاري أسمنتيـه= حديـد وبلـك وسمنـت وخرسـانـه
ولاعاد لي هـم شاغـل غيـر هاذيـه =قواعـد البيـت وجسـوره وعمدانـه
احلـم بفـلا علـى ذوقـي خيالـيـه= تكـون بيـن المبانـي كنهـا دانــه
انسى بها ايامـي اللـي شيبـت فيّـه =ويصير لي مع هواميـر البلـد خانـه
احلام ميـر الحقايـق جـات عكسيـه= واصبحت مديـون والجيـران ديانـه
وقام المقاول يهدر وتضـرس اللحيـه= باحـت فلوسـي وقـام يحـد نيبانـه
من عقب مانـي بعمـه نعنبـو حيـه= اليـوم ماكنـي الاضمـن صبيـانـه
ان قلت راع الظـروف وزيّـن النيـه =واصبر وياصلك حقك حومـر اعيانـه
قال ايـه هـاذي سواليـف الحراميـه= هات الدراهم تـرى الاخـلاق تعبانـه
عـودت أعــزم واروّح للشريطـيـه= واخـذ ونيتيـن والتقسيـط بثمـانـه
واعطى المقاول ثمنهـا شبـه جبريـه=والراتب اقساط مـن راسـه لكرعانـه
والورع وامه يبون اشيـاء ضروريـه =والتاجـر احتدنـي مـن دون دكانـه
يقـول للفقـر فـي نظرتـك ماريـه =ودفاتر الديـن مـن شـرواك مليانـه
وعـوّدت لاجبـت لاهـاذي ولاذيــه= وعزي لمن راح وانكف ماقضى شانـه
العـذر مايقنـع المحـتـاج مولـيـه= والمزح ماهوب يرضي نـاس زعلانـه
مغير اروّح بهـم فـي كـل عصريـه= للبيـت ونمتـر الاضـلاع واركـانـه
ونحاول نعيش وسـط احـلام ورديـه= مابين غرفـة فـلان وغرفـة فلانـه
وأن مرنـا مـن جماعتنـا الزراويـه= لاشافني قـال ذا ضـاوي وورعانـه!
يبغـا الفوائـد وحـول لـه بدهويـه= وقام يتهكـم وفـيّ يجـرب اللسانـه
طلعت للشمـس وانـا كنـت بالفيـه= وضحك بي اللي يشح بـزاد ضيفانـه
يازياد مافـي قلـوب النـاس ماويـه= لكـن شكـواى للمعبـود سبحـانـه

الله رائعة...


صح لسانه..

وتسلم على النقل يالغالي...