رفيع المنزل
سلام يالعتبان والدنيا على وضـع ونظـام=والجاهل اللي لالقا العالـم عكـس تيارهـا
بالناس ناس ٍ ماتفرق بالحـلال وبالحـرام=يبغون مثل اهل القصور اللي طوال اسوارها
احمد بن حامد الزايدي
يامرحبا باللي يسلم بعد مـارد السـلام=وحنا ترانا مالنـا فاطوالهـا وقصارهـا
ياكثرهم ياالاجودي ناس ترى ماهم حشام=ماهمهم يكود جمع المـال هـم تجارهـا
رفيع المنزل
دام البقا والصمت بعض احيان خير من الكلام=الله يدل اللي عـن الغايـه تتيـه ابصارهـا
يالزايدي مااريد احطك فـي مكـان الاتهـام=ترى المجنن فلتت من بعد ضـاق شهارهـا
احمد بن حامد الزايدي
وضح كلامك يارجل ماكـل رجـال يـلام=من يستمع لشوار بعض الناس فاز بشارها
وش أنت يومنك تشكك فالرجال أهل المهام=الخالق الرازق عرف كل البشر وأسرارها
رفيع المنزل
ماكل رجال ٍ يقـدم بالمعـارك والزحـام=قال المثل مايقلط من القوم غير خيارهـا
جتك الاشاره وافتهم والا ياطيبك يالمنام=بكره تبي ترسل لك النشره جميع اخبارها
احمد بن حامد الزايدي
صحيح قولك جعلهم بالسيف قصاص العظام=المشكه ياذون خلق الله وهم فـي ديارهـا
أخر زمن فيه الغرايب شوفها شرق وشام=واين الرجال اللي تضحي ماتبـا دمارهـا
رفيع المنزل
توك لقيت السالفه والنور جلاي الظـلام=الله يازين البلاد اليا بـدى استقرارهـا
بلاك ٍ من قوم ٍ على الجمه يردون الحيام=من شان مابعض الحقايق يتضح معيارها
احمد بن حامد الزايدي
أهل الفتن تال الزمن ياكثرهـم يـم الشـام=نحمد عظيم الشان معطينا الأمن فاقطارهـا
بلاك من قوم ماتدري عن صلاه وعن صيام=قوم عن الجزله ياربعي قاصـره بشبارهـا