سلطان الجذع =
سلام الله سلام من غلاه يساق للغاليـن=سلام مظهره قدر وغلا والطيب مضمونه
أبو طايل منول صاحبٍ غالي وطبعه زين=وتال الوقت منه ابا اغسل يديني بصابونه
سعودالعصيمي=
هلا يامرحبا ترحيب مايمشي على وجهيـن=نسوقه للرجال اللي على الطاله يسوقونـه
ابوطايل صحيبك ماخلف اطبوعه بطبع شين=على سلمه وسلمه مثل سلمك ماختلف لونه
سلطان الجذع =
توكلنـا علـى الله سرهـا والخافيـات تبيـن=ابو زيد الهلالي جمرتـه فـي راس غليونـه
تمشى لك ببشت من الحساء بين القرى والرين = وبشت ابوك الاصلي تاركه في وسط كرتونـه
سعودالعصيمي=
توكلنا على الله وانته اختر في حدى ثنتين=تبا راس الجبل والا تبا عنتر وحاجونـه
ترا بشتي على متني وهذه خلهـا بعديـن=لاتاخذ علم رجالٍ لقوا فيه العـرب بونـه
سلطان الجذع =
ترى لو إن في عقلي غشامة تركي الالفيـن=كـلام مثـل هـذا يالعصيمـي ماتمشونـه
والا يالصاحب المحتال ووين تروح عني وين =ابا امسك عاقب الساقه واذر الكحل فعيونـه
سعودالعصيمي=
انا شاعر معاني وانت تدري يالجذع وذهين=وراء نيتك في صاحبك ياسلطـان ملعونـه
و دربي مع دروب الطيبين الغانمين ايمين=ورجلٍ يقطع الساقه ماهوب امخلص ديونه
سلطان الجذع =
ترى تال الزمن مامن معاني كلها تلحين=انا اقول المعاني مع كبير ثبيت مدفونـه
تقوله ياابو طايل والعرب يمك تلد العين=مدامك شاعر الشاعر تعلم فوقه لحونه
سعودالعصيمي=
عسى الله يرحم الميت ويبقى الخيـر فالباقيـن=كثيـر عتيبـه الهيـلا يـدف الضلـع بمتونـه
انا ادري منهو اللي جاك باسرار الحسن وحسين=وعلـم الغيـب عنـد الله وخلقـه مايعلمونه
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|