علي فلاح العضياني
يا حرب يا ليت إبن صيّاف يطلع مثل صياّف=وان كان ما جا مثل صيّاف عزّي للحروبي
في ما مضى فالمواقف يحتزم في كل ميقاف=واليوم ما فيه شاعر مثل صيّاف محسوبي
عبدالله الحربي
ابشرك جاء على القمه وريث مصخر القاف =من بعد ماراح ابن عواد هذا ابنه ينوبي
صياف صنفه لحاله ما تقارن فيه الاصناف=لكن في غيبته ناس ن يسدون الوجوبي
علي فلاح العضياني
إلك البشاره ليا روّح قدم ما عوّد خلاف=حنّا نعرف الدليله ما يتيع عن الدروبي
صياف في حرب ماله يالحروب أشباه و أوصاف=و الكلمه اللي بلا معنى تطير مع الهبوبي
عبدالله الحربي
المشكله لن خذا الساحه عليك وصابك عياف=واصبحت تدعي على شمس السحيمي بالغروبي
تراي خابرك رجل عنصري لو قلت ما خلاف=والعنصري عن طبوعه يالعتيبي ما يتوبي
علي فلاح العضياني
المرّه الاوّله شالوه ربعي فوق الاكتاف=و المرّه الثانيه ما عاد يبقى فالجنوبي
اللي يقول الحقيقه ما يعرف يذلّ و يخاف=وانته تهرّب و لا تلقى عن الواقع هروبي
عبدالله الحربي
شاله لسانه ومن عنده بصر يا صاحبي شاف=وانته تبي تمنع العالم عن العد الشروبي
ان كان عندك مرض نبي نكلم سايق اسعاف=ينقلك يم الطبيب اللي معه كل الحبوبي
علي فلاح العضياني
الرجل طيّب لكنّ اطيب منه نايف و نواف=والربع حبّوه حيث ابوه رجّال محبوبي
وزارة الحجّ و الارشاد و الدعوه و الأوقاف=بعض الائمّه تنجّحها و واجبها الرسوبي
عبدالله الحربي
ياصاحبي خل لعبك داخل الملعب بالاطراف=قدام اذكرك باهداف تجيكم بالكعوبي
مكه قبل حكم آل سعود كانت عند الأشراف=واليوم الأرزاق تاتي للعرب من كل صوبي
علي العضياني
صح لسانك ونورت المنتدى
انت وين تغيب؟
الحربي صح لسانك مبدع