ناصر الجلاه
سلام ياأهل الوفا والطيب وأهل العز والجاه=ربعي عتيبه لهم عقب البطا حـقٍ عليـه
الليل والليل يأهل الخيل باقي فـي بدايـاه=الزند يقدح شـرار ونارنـا بالعـز حيـه
احمد بن حامد الزايدي
يامرحبا ياهلا من قـدم المعـروف يلقـاه=عند الرجال البواسل جودهم من طيب نيه
الليل ياالأجودي دوب أبتدى ويطيب مسراه=مع شاعر نعرف أنه دايم عزومـه قويـه
ناصر الجلاه
دام البقا بالزميل اللي على السيسان مبناه=لكن درب الشقا ممشى الرجال أهل الحميه
يالزايدي يوم كلٍ يعتزي في حـد شلفـاه=وش تعتزيبه ليا صاح النذير بيوم هيـه
احمد بن حامد الزايدي
الجزل يمناه تعطي من يبا يحصـي عطايـاه=واليا عطا مايدور مـن وراهـا مـن جزيـه
أنا أعتزي باالسيوف المرهفه والموقف أحماه=وأنته وش اللي تباه يجيـك ياناصـر هديـه
ناصر الجلاه
المشكله فالهزيل اللي عسى المعبود يبلاه=وانا اطلب الله مايبلاني من الاصحاب عيه
ليت النفاعي ليا سار الطريق يحسب خطاه=وألا هديتـه يأخذهـا مانبغالـه عطـيـه
احمد بن حامد الزايدي
ماكل شيء يبا يعجبك يوم أنك تحـلاه=تسلم ياناصر من المبلي والاتجيك البليه
والزايدي مايهمه كل شيء ربه أعطـاه=من عادته مايحب الصاحبه ترى الرزيه
ناصر الجلاه
تعيش فالوقت يا احمد مار رزقك ماتعـداه=لوكان تبغـى الثمينـه ماتجيلـك بالمنيـه
وترى العصيمي بحر والبحر لاتأمنه من ماه=من خلقته ذاه طبعـه فالصبـاح وفالعشيـه
احمد بن حامد الزايدي
أقنع بما أعطاك ربك والقناعه كنـز ماغنـاه=الله قـد قسـم الأرزاق خــلاق البـريـه
والزايدي غاص فالبحر الغزير وعارف أقصاه=يا الله تكتب لـه الجنـه وتمحـا كـل سيـه
ناصر الجلاه
علمٍ على البال ماكلٍ ترى يجيـب معنـاه=وسم المطيه يجي من وين ياراع المطيـه
الزايدي لو سبح فالبحر يالعتبـان غطـاه=على ضفاف البحر وإن هاج مايوقف نحيه