السلام عليكم ورحمة الله وبركاته
وهذه القصيدة لسعود بن حادي الدلبحي مجاراة لأبيات كتبها صاحب السمو الأمير عبدالعزيز بن سعود ( السامر )
في صاحب السمو الملكي الأمير سلمان بن عبدالعزيز آل سعود
والأبيات الثلاث الأولى لـ ( السامر)
عز الرياض وعـز وادي حنيفـه=وعز الامارة والأمـور العظايـم
عدل الحكم سلمـان بالعـز ريفـه=خمسين عام ٍ كـل أبوهـا غنايـم
تبصر بعدله عيـن حـي ٍ كفيفـه=المجد له والطيـب والعـز دايـم
أمير وسياسـي ونصّـب خليفـه=على الرياض من السنيـن القدايـم
قرم ٍ مثل صـم الجبـال المنيفـه=ما هزت حيـوده كبـار العزايـم
وزحل ٍ تركّـا للحمـول الكليفـه=و لا رضا مـن خلقتـه بالهزايـم
حر ٍ قطامي ويـن يلقـا وصيفـه=لأعلى سنام أمجاد الأمجـاد رايـم
أصغر مواطن فالبلـد يستضيفـه=وأنكر هل المنكـر ورد الظلايـم
علـم عدالـه فالنوايـف رفيفـه=فالظلم وأهله ماأستمع لـوم لايـم
الطيب في كـل المواقـف حليفـه=وعن الخطا وحقر الرياجيل صايم
تاريخ الأمه فـي سجلـه يضيفـه=يوم الشكالـه بيـن بايـع وسايـم
نسل الإمام الـي حكمهـا بسيفـه=يوم التحـدي والكبـر والمزايـم
فعل ٍ مسجل بالسيـوف الرهيفـه=يتناقلونـه لابسـيـن العمـايـم
وعقب المغازي والسنين المخيفـه=وجثث رجالن فوقها الطير حايـم
صارت ولو كرهت نفوس ٍ ضعيفه=أمـان والتحكيـم بالشـرع قايـم