حصادالغربه
تعال يامعجب واخذلك قاف بالخط السريع
مادام رمزك داخل الشاشه ولك عين ترى
الصيف قرب والملاحم جات والطائف ربيع
والي يخاف من الملاحم يعتكف بام القرى
معجب العتيبي
لامن وصلتك ياحصاد الغربه احذر لاتضيع=والسوق بين الناس يارجال بيع ومشترى
فالصيف والا فالشتى ياصاحبي جوي فضيع=وقت اللزوم دروبنا قدام مانرجع ورى
حصادالغربه
الطائره بقيادة الطيار والمهبط وسيع
وليا وصلت الكبتن الطيار دمك ماجرى
بعض المواقف تحرج الرجال لوانه شجيع
قلي بربك وين ذكرك في المدن والا القرى
معجب العتيبي
الكبتن الطيار بدّع والشهاده للجميع=وصويحبي مدري تجاهل غصب والا ما درا
مايظهر الرجال غير الموقف الصعب المريع=والفرق واضح للبشر بين الثريا والثرى
حصادالغربه
لاتلبس الثوب المزركش للمراه وانت رضيع
وتموت يامعجب وجرحك وسط صدرك مابرى
العلم جاك العصريامبدع تعلم من بديع
وان طعتني اسلك طريق السيل لاتعطي كرى
معجب العتيبي
تنها وانا اشوفه على جلدك بدا يلمع لميع=وتحاول تغطي على الموضوع من كبر الزرا
انته وانا ياصاحبي فالمدرسه كنا جميع=لكنّ انا جبت الشهاده وانت لا ماتقدرا
حصادالغربه
قلتلك ماتقدرتشيل الحمل قلت انا استطيع
هذا عوايدكم يا ابووجهين والساري سرى
انا ادري انك كنت لمدرسك يامعجب مطيع
لكن منه شاف خطك قال ليته ماقرا
معجب العتيبي
بعض العرب يحتاجله من بين خلق الله شفيع=حتى يخاطبنا بعد ماقال كلمه للبرا
اللي يطيع اهل الخبر والعلم اله راسٍ رفيع=واللي يطيع اصحابه اللي جوه قلي وش جرا..؟