يامل قلب ٍ صايبه نـوع هوجـاس=تدلـي هواجيـس بقلبـي رهيبـه
سهري ولع باللي لهم بالوفا ساس=أسهر تقل حـدا القوايـم صويبـه
أفعالهم لو قستهـا مالهـا أقيـاس=ولـو تازنـه ماكـل وزن يجيبـه
افعالهم ماهـي حـروف بقرطـاس=كل يعـرف أفعالهـم ويحكـي بـه
أفعالهم تشهد لهـا قـب الأفـراس=وتشهد لم عوص المطايا النجيبـه
وتشهد سيوف تقطع المتن والرأس=وتشهد رماح ما يتشهـد صويبـه
وتشهد لهم نجد جباله والاطعـاس=وتشهد لهم خلـج يغـذي حليبـه
أهل الكرم والمجد والصبر والبـاس=يا قيل منهم قلـت ترهـم عتيبـه
عتيبة ليا منه تكاضمن الأضـراس=وشان اللغا بين الحريـب وحريبـه
عدوهم يبشـر بالاعيـا والإفـلاس=وعنيدهم يا كـود يقصـر نصيبـه
يا كود يشرب عاقد الصبر بالكـاس=وتضيع هقواته لـو انـه مصيبـه
وينصاب من عادا عتيبه بوسـواس=ولو هو شباب كود يـزداد شيبـه
حامين نجد قبـل عنتـر وجسـاس=يوم العـرب مستعربيـن وعريبـه
من سام بن نوح لهم كرسي وساس=وبين العـرب لهـم مقـام وهيبـه
قبيلة مالـه مـع العالـم اجنـاس=تفهق ضواميهـا وتسقـي قريبـه
قبيلة العتبان ماهـي مـع النـاس=من شرقي الدنيـا لغربـي مغيبـه
خويهم يرفع علـى عالـي الـراس=وارواحهم للطيـب تدفـع ضريبـه
وقصيرهم دايـم بكيـف ونومـاس=يقلط له المركا لجـل يرتكـي بـه
والضيف ياجاهم يقلط على الـراس=وتثنا له الحمسة ويدفـق سريبـه
أهل بيوت ما يركب بهـا أجـراس=مفتوحة لجل الضيوف تهـوي بـه
ربع ابو عبد الله على الطيب علاس=مطلق ذراء جاره وحامـي قريبـه
مطلق ونيسك ياابعدت عنك الأوناس=ياعـز والله عـزوة يعتـزي بــه
قلته وانا من روس لابه بني يـاس=من شمر أهـل الفعـول العجيبـه
هذا وصلى الله على سيـد النـاس=نبينـا اللـي ساكـن دار طيـبـه
صح لسانك