[سعود العصيمي]

مقعدالدغيلبي=
هاكم الطاروق والليله تبـا تالـع حريقـه=واي شاعر ملتبسله جن اباطيـر جنونـه
ميسمي حامي ومنهو يونس براسه شقيقه=ماله الا المسيم اللي ينجض الراس ومتونه

العــــازمــي=
مرحبا بالشاعر اللي مايضيق امن الحقيقه=ان سرا فالليل الاظلـم مايدلّنـه عيونـه
للمجنن ياعميلي عندي اكثر من طريقـه=سرّها والميسم الحامي ترا راسك زبونـه

مقعدالدغيلبي=
السراب اللي تشوفـه لايضيعكـم بريقـه=كم غشيمٍ ظن لكن ضيعه كثـرة ظنونـه
يابن عاصي قلتها لاكن ماعنـدك وثيقـه=لايغرك لو ضحك سرحان واظهرلك سنونه

العــــازمــي=
لـن بـلاك الله بحمـلٍ ياعميلـي ماتطيقـه=شي عادي تطلب امن الناس يامقعد معونـه
الذيابه كل مرقـب مـن سطاوتهـا تويقـه=مار جعلك من ورى المقصود مانته دوم دونه

مقعدالدغيلبي=
الحمول الها جمل والعازمي شرق بريقـه=كل ليله مرسل(ن) حبه على اللي يطحنونه
كم وكم من مرقب(ن) ماللعرب فوقه طريقه=والجبل ثابت لكن الوعل وهقتـه قرونـه

العــــازمــي=
ابن عاصي ناوي الليله يضمّك في فريقه=كل ليله له ضحيّه كـل ماغنّـى لحونـه
من كلامك ياعميلي مايصيب النفس ضيقه=الجبل قدّام قصف النجم مايلتـن ركونـه

مقعدالدغيلبي=
الفريق اللي بطولاته تحت سور الحديقه=مانجيه ولانذمه بـس اباسـدد ديونـه
البحر كم راح به يالعازمي نفسٍ غريقه=والبحر ماينغرف لو العوازم يغرفونـه

العــــازمــي=
لاتذم اللي يمانيهـم علـى الطالـه طليقـه=اغد في حالك وتلقى مع كثير الناس مونـه
اثر رجلك في نهار الخوف يالصاحب سبيقه=تنثر الزاد المغطّي عقب ماتاخـذ صحونـه

مقعدالدغيلبي=
ابن منعر مايقول قصور في سيرة صديقه=والغشيم اللي يشيل اخلال ويخلخل عيونه
ماسكنا فالخيـام وصفنـا مابـه عليقـه=وانت مانرضى على شرواك ميل ولامهونه

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.