(من ضمير يهتدون به الخليقة=مرحبامن قلب يعلنها لساني)
(بالغلا تضفي لكل في فريقة=حق للغالين من واحدلثاني)
(للرفاقة وللمسايير المويقة=ماتخص ولالكلن جاي عاني)
(الهواجس للمعاني مستفيقة=مادرت لن جافلان وجا فلاني)
(سيرت مسيارمن شاقه عشيقة=ماخلق في دربهاحاسدوشاني)
(هاضهامالاعب اغصون وريقة=لين زاع الطيرمن سد المحاني)
(بينه وبين الغلا عشرة عريقة=من غلاهافي هذى الدنيا يعاني)
(نظرة اعيونه بدمعتها غريقة=والحزن في مبسم الفرحة تهاني)
(وان صفا حرفين شدلها الوثيقة=واحتماها بين اسمها والمباني)
(الرجال اصدورووجيه طليقة=والزمان يبن الحر العماني)
(والنظر لوحال دونه مايعيقة=السوالف ماتغيرفالمعاني)
(كل نفس ماتحمل ماتطيقة=والصراحة ماتسد الها الاذاني)
(الرفاقةعندها وقفةدقيقة=مايعادلها سنين ولا ثواني)
(من نسي منهم رفيقه بل ريقه=ماحداه البعد مع طول الزماني)
(والصدورأقبورواللي فيه ضيقه =علمت عنها علوم المودماني)
(لويقال الماء سراب من برقة=قالت العراف غرمن العناني)
(من نسي في زحمة الدنياحقيقة=ماحسب من كون بللي فيه فاني)
(كم سراب غر في صحراءسحيقة=مير ماسمي وهو ماله مكاني)