[احمد الزايدي]

احمد بن حامد الزايدي

سلام أسلم به على اللي يستحقون السلام=ربعي هل المجد التليد عتيبه الهيلا هلـه
حث المطايا ونحر الفريس وأستل الحسام=ماكل من يبغى السلامه يسلم بكثر عمله

محمد الروقي

يامرحبا ترحيبةً تغنيك عن شرب وطعام=من شاعرً مع عالم الشعار حافظ منزله
علمك هذاه اللي تقوله ياسلام وياسلام=لكن علمنّي قبـل لا اعلمـك ماتجهلـه

احمد بن حامد الزايدي

دام البقا وأنا تراني دايم أحب النظـام=والي يجي في خاطرك لاتكتمه ولي قله
علمي هذاه اللي أقوله علم يارجال هام=والرجل دام الله نوى له بالجميله جمله

محمد الروقي

ماقلت فيك قصور يارجّال عـداك المـلام=لكّن منهو اللي يقود شعيل واللـي يعقلـه
واليوم اشوفك صايرً مثل الفحل جالك سنام=وشلون صرت بعير (وكله )كل شيً تاكلـه

احمد بن حامد الزايدي

الفارس اللي فالمعارك يدهر شرق وشام=كامل بعقله والله اللي فالحقيقـه كملـه
سمحان يارجال مايشبه ترىفراخ الحمام=بعير يقب الهديـر والحمـل ماتتحملـه