بسم الله الرحمن الرحيم
والحمد لله رب العالمين
وصلى الله وسلم على اشرف الانبياء والمرسلين
اما بعد
مرثيه في فقيد قبيلة الدلابحه عامه واسرتي الملافخ والعصاي خاصه المغفور له بمشيئة الله
الشيخ ضيف الله بن صالح بن ملافخ
للشاعر ضيف الله بن سلطان بن صالح بن ملافخ
يانجد هلي دموعك عقب ضيف الله
لو ان دمعك مايوفي قدره وشانه
شيخا مع اهل الكرم والطيب باقله
ذكرن مخلد عليه اسمه وعنوانه
نبكيه والدمع مايكفي لو نهله
عز الله انه ترك بقلوبنا خانه
وتبكيه روس الرجال الي على المله
وقلوبهم من بحور الحزن مليانه
وتبكيه كف الكرم والهيل والدله
والمرجله كلها تبكي على شانه
والعز والطيب والنوماس له كله
والمجد صرحن وهو واحد من اركانه
مرحوم يالي مع الايام باننله
بيتن على صفوة الامجاد سيسانه
ويالله يالي تغفر الذنب والزله
تحسن عزا عياله وتحسن عزا اخوانه
وارفع كفوف الدعاء وادعي رجا بالله
من مسلمن يدعي بقلبه وبلسانه
الله يرحمه ويضلله في ضله
ويغفر خطاياه من عفوه وغفرانه
ورحم الله الفقيد وغفر له ولموتى المسلمين عامه
وصح الله لسان ضيف الله بن سلطان
والسلام عليكم