العازمي
يامرحبا ترحيبة الصقّار بالحر العديم = اللي من ءلحوم الفرايس فالطبيعه ماكله
صنهات دام الامن والاسلام فالديره مقيم = سولف بعلم الخير والمسلم يجازى بعمله
الحر النادر
دام البقا ...بعد البقا وش جبت ياريح النسيم = على الوعد جينا وكل انسان ينزل منزله
ياعيد مايجهل علومك غير رجال(ن) غشيم = العلم قوله ياعميلي من النهايه لااوله
العازمي
كانك تشوف البرق والرعّاد تسمعله هزيم = ذر البيوت وجوّد احزام الفخر والمرجله
شهرين وانته من حدود المجمعه لين القصيم = مادلّني يمّك يابن قشعان غير البوصله
الحر النادر
عز الله اني مالقيت الا السعاده والنعيم = وامشي على كيفي واشوف البرق واشرب منهله
عاداتنا قطع الفيافي في دجا الليل الظليم= ولاكل واحد يابن عاصي درب عمك يدهله
العازمي
لاتحسبنّي مثل غيري كان الك قلبٍ فهيم = ماعندي الا النار والبارود ماش امجامله
انته وابو عرّام ياصنهات اشوفك سيم سيم = واحد يعقد السلسله ,, واحد يفك السلسله
الحر النادر
مانته حبيب ياحبيبي ..مانته بصقر سليم= انته من اللي يكدحون اهل اليدين العامله
واهل اليدين العامله ماظن الي منهم خصيم = انا خصيم اهل العقول الصافيه والكامله
العازمي
النار تالع فالحطب لاصار كله من هشيم = من دون كبريت وحجر صلف الهبايب تشعله
صنهات خالي وان غلط ماني بمعتبره غريم = لامال ميزان الحقيقه من جهتهم نعدله
الحر النادر
ياعيد خذها من عميلك رمية(ن) وسط الصميم = لاتنطح اللي لاوقف بالارض جتها الزلزله
ياكم وكم جونا سواتك مير يالله الكريم = استر على كل العوازم من علوم المهزله
العازمي
الدقله اللي فوق جسمك شامره حد البريم = من مد كفّه للفقارى ماتعود امجمّله
اعرفك شاعر معتبر في وادي الحيله تهيم = والكلمه اللي قلتها عنّا وعنك مشهّله