[احمد الزايدي]

المشاركة الأصلية كتبت بواسطة احمد الزايدي

أحمدبن حامد الزايدي

يا سلامي عليكم جيت أرد التحيه=جيت أرد التحيه ياثقات الرجالي
قالو الطيب والمعروف مافيه زيه=والحمول الثقيله تحتملها الجمالي

قادح شرار

يا هــلا مرحبا ياللي زهمتوا عليّـه = والله أعلم بقلبي وأنت رجّال غـالي
جيت ناوي تبى تلعب وهي خير جيّه =قـدّم اللي تــريده لو حمولك ثـقالي

أحمدبن حامد الزايدي

لك معزه ياقادح ونت رجل نزيـه=خوتك يارجل تسوى حلالي ومالي
أنت وافي ياقادح من رجال وفيه=ياكرم الأصل منته محصل مجالي

قادح شرار

خـوّتك تـنـشرى وأعدها لي هديّه = الله إنــه يـديمـك يا كريــم السبالـي
ويـش رايك نغيـرها ونمـزح شويّه =بعد مزح ٍ بوسط الـقـلب توّه طرالـي

أحمدبن حامد الزايدي

لا تحاول تفرنك ثـم تطيـح ابيديـه=مابـا أجــامـك يارجـل ياهـــمـــلالـي
أمزح أبماتريـده والبسـاط أحمديـه=مانت خاسر جنيه ولانت خاسر ريالي

قادح شرار

أنـت جــاي ٍ فبـالك تـسافـر أسكنـدريّـه = مير طحتوا بحــفرة وسط جرف ٍ هيالي
طحـت فـي وسـط حفرة مثل مقلع طميّه =منـت طـالع ياكـود أشوف دمك سيالي

أحمدبن حامد الزايدي

السفر من نصيب أهل الوجيه النديه=وأنا ماحب أسافر جالس مع عيالي
مايطيح الرجل وهوعزومـه قويـه=الجبل في مكانـه باقـي ولايزالـي

قادح شرار

أنت وإن كان ماتدري غديت الضحيّه = محاصرك يارفيقي من جنوب وشمالي
لـو درى عنــك أبو عمّار ولاّ هـنــيـّه =قــال وش لك بـحملـة ثـقـلها ما يشالي

احمد بن حامد الزايدي

دامت الزايدي قايد يقـود السريـه=السريـه تحـت أمـره اول وتالـي
ودك أنته بكيه من هذيـك العشيـه=المريض أن كويته طاب والحمل مالي