[احمد الزايدي]

سلام الله على صرح(ن) عرفنا فيه ناس وناس
ومواثيق الوفا لهل الوفـا ماهيـب مسلوبـه
جمعنا الود ولا الشعر له في كل حال قيـاس
واحد يكسيه جنز ازرق واحد يكسيه من ثوبه



هلا يامرحبا بالشاعر اللي كنه القرناس
ليامنه بدا بالقاف جاب القاق بعجوبـه
جمعنا الود يارجال وايالشعر والهوجاس
وكل حصل اللي حصله في داخل اجيوبه


عسى يبقيك رب(ن) يفرق الهافي عن الحساس
مواقيت الغلا في مصلحة الاحباب مصبوبـه
تنادمنا زمان(ن) فات والماضي مضا وانحاس
ضمير(ن) قال ياغي القلوب العفـو والتوبـه




عسى الله يغفر أذنوب العباد المشفي من الباس
ونار أهل الوفا والطيـب تبقـا دوم مشبوبـه
زمان فات خير الأزمنـه وأشوفـه الأسـاس
ودين الله هو الأسلا م خلـك متجـه صوبـه


تخيل وضعنا لومـا ليالينـا شقـا وتعـاس
مابان طيب الطيبين ولاكشفت اللاش وعيوبه
انا ماخاف لاشفت الغصون المايلـه يبـاس
يغذيهـا الوفـا وتعـود للوافيـن مرغوبـه


يبين الفرق مابين النحاس وجوهر الأالماس
ليا أحتجنا لها كل تجده يسـد فـي نوبـه
وأنا ماخاف غير أن شفت كل يعلن الأفلاس
وغزه تنتهك والوضع يارجـال رضيوبـه