الحر النادر
يامرحبا حييت يامقعد بعد جيت المكان = في حلة(ن) مثلك يشرفها وهي تشرفه
ذرب اليمين يقدرونه كل ذربين اليمان = هو تاج راس العرف (مقعد )لو بغيت اعرفه
مقعد الدغيلبي
دام البقا في حلة اللي مايغيرها الزمان=الحله اللي ثبتت سيسانها بالمعرفه
اهرج معي واهرج معك مالسمان الا السمان=انصحت ضخر واسبح يحر والبحر ماحد(ن) يغرفه
الحر النادر
اللي تضاعف للعرب يصعب على الناس ويهان = اما يحرفك الزمان الشين ولا حرفه
وانته ليامنك نسفت السرج من فوق الحصان = تجند الهندي يامقعد والرديني طرفه
مقعد الدغيلبي
اللي يسرحها عشر وشلون ضواها ثمان=احدٍ على ساسٍ قوي واحدٍ على جال اجرفه
انا ادري إنك تحتمل للحمل وضلوعك متان=العلم واضح يالعتيبي لاتخمه بطرفه
الحر النادر
انا على المرقاب مثل اللي به المرقاب زان = الاجرد اللي منه عشاق الطيور مخرفه
ماتنتوصى ..وانت رايي بك تعرفه من زمان = مير الرساله ودها .. يم البريد مضرفه
مقعد الدغيلبي
ماقلت فيك قصور والدنيا ماتعطيك الامان=تستقبل الاول والاخر عن طريقه تحرفه
آقف مواقيف الشجيع اللي عفاله عن جبان=وانت انتبه قدام لايجرفك سلك المجرفه
الحر النادر
الاوله والثانيه شفتك بلا سيف وسنان = والكايده ماتنتحصل والنفوس مترفه
انفخ رويسك ياعميلي يم لبخه وحلبان = والا الشجيع يصرف اموره بدون تصرفه
مقعد الدغيلبي
انا فصيح اللسان ولا انته تسلفلك لسان=واللي مهو معروف لابده يجيب امعرفه
انفخ على قول وفعل واقرصك من تحت الاذآن=من بعدها تقدر تميز بين عيطا وشرفه