--------------------------------------------------------------------------------
بان لي من بعض لابتنـا بوايـن=وقال لي من قال يـا لله لا تهينـه
قال ماشفناك فـي ايـام المزايـن=وغيبة الشاعر عن الموسم غبينـه
وكبّر الموضوع والدعوى هوايـن=من حضر والا اللجان مسا محينـه
كل مافي الأمر تشخيص العوايـن=لكل ملحن تستحـق يقـال زينـه
وبين ميـدان المزايـن والزبايـن=تعرف العّرب الرخيصه والثمينـه
وقطع روس الحشو وكبار الضواين=الصياني فوقهـا الحشـو السمينـه
وللبـراد ولدجـى جابـو مكايـن=كل راعي منتـدى ركـب مكينـه
حطوا الحدبا مثل بعـض المدايـن=من نظرها قال يا ويش ذا المدينـه
وموقف الشعّار في الصيوان بايـن=كل شاعر لاقصـد يرفـع يمينـه
والبلا لأشتـب مشهـاب المشايـن=من رجال ٍ كل واحد لـه ضغينـه
ما اتغيب عن وجيه اهل الضغايـن=وموقفي معروف وانتـم خابرينـه
أشرب الفنجال والشاعـر يعايـن=ماعليّـه منـه لـو ينفـخ وتينـه