ناصرالمرشدي
ياكثر الاخطاء وياكبر المشاريه=ياناس كيف الخوي ينسى خويه
لولى الغلاء والوفاء ماقلت لك ليه=ياكبر زلتك يامعجب عليه
معجب العتيبي
ياكبر مايعتب الغالي وانا اجيه=كلمتك هاذي يابن عمي قويه
وشلون تشره على فعلن تسويه=مشغول وتقدم الدعوا كذيه
ناصرالمرشدي
في مضى عملتك دينار وجنيه=وتال الزمن لاكثير ولابليه
ينضر بعينه ويسمعني باذانيه=واصيح له مايلد العين فيه
معجب العتيبي
في مامضى كانت احكامك على اوكيه=يالقاضي اللي تزوّر فالقضيه
ناخذ من الحق ياناصر ونعطيه=واللي جحد حقنا نكويه كيه
ناصرالمرشدي
من شح بالوصل يبقى منه واليه=لكن تحسب على الطيب خطيه
ان شفت لي ضالمِ ينفخ علابيه=بركته لحملِ اثقل من طميه
معجب العتيبي
من يملك الشي لأصحابه بيعطيه=يعطيه من نفس ياناصر رضيه
المشكله بعض خلق الله نداريه=نعطيه حقه ويطلب له هديه
ناصرالمرشدي
كم يوم اكلمك والجوال مذيه=ادق ياصاحبي صبح وعشية
يابيييه ماهي كذا يابييه يابييه=قيس الملوح خطيب العامريه
معجب العتيبي
الظاهر ان الرقم يافلان مخطيه=من كثر الارقام والنيه بريه
انا ادري انك فطينٍ بس مافيه=غيري من الناس تبغاه البنيه
ناصرالمرشدي
وش لون مخطيه وانت تقول لبيه=انا مع الدرب والخطوة جريه
يالصاحب اللي كثيراتن طواريه=اثرك مجنون والنيه رديه
معجب العتيبي
ناصر علامه كثيراةٍ مساريه=تعبان مابين جده والحويه
وبليس عن نيته بالحيل مغويه=ياجعل يهديه خلاق البريه