فهد صقر الغنامي
سلام تسليمتن بين السما والسحاب = والناس مامورتن في حكم خلاقها
من حاسب الناس ياهل العرف جاه الحساب = في ليلتن سرمديه غاب براقها
حمد بن جوباح
يا مرحبا بالشجيع اللي يسوق الركاب .................................
........................... لكن وش وجهة ركابه ليا ساقها ؟!!
الشيب لو يظهره ربك في دقن الشباب ............................
..........................يحسب جلال الامور ويحسب دقاقها
فهد صقر الغنامي
والك البقا يالمرحب وافتهم في الجواب = الشاحنه حملها من شف سواقها
لصار مانته بذيب(ن) تفترسك الذياب = الحاليه حاليه ياحظ من ذاقها
حمد بن جوباح
انته تريد الخطا والا تريد الصواب ............................
............................. كل الثنينه لها تجار فـ اسواقها
كل ٍ بـ فعله يبى يحصّل طعام وشراب .................
........................... ما انت بـ كفيل ٍ على الأجواد وارزاقها
فهد صقر الغنامي
انته حجزت الذهاب ولا حجزت الاياب = الله يعينك على غربتك واشواقها
مانيب ناشد وانا عارف وسوم الركاب = ياتي على خدها ماهو على ساقها
حمد بن جوباح
ماني بـ غاوي سواليفك يا مال الذهاب ...................................
.................................. تِكرم عيال العراق وتخذل عراقها
يا راعي العرف لا وسّمت عوج الرقاب ....................................
................................. ارفق على خدودها لا تلوي اعناقها
فهد صقر الغنامي
استغفر الله عسا دعوتك ماتستجاب = وش قرب اللحيه الذربه لحلاقها
عجايب الوقت منها شاب حتى الغراب = بعض العرب رفقته تشتاق لفراقها