[ابو فايح]

الحقيقه هذه المحاوره وجدتها مع احد الاخوان وهي طاروق رائع بين رشيد الزلامي وتركي 2000 والحقيقه لا اعرف اي معلومات عن هذه المحاوره ياليت من يعرف ما يبخل علينا لعل وعسى ان نستطيع تفكيك رموز هذه المحاوره وياليت الاخوان شعراء المنتدى مايبخلون علينا بتحليلاتهم لمعنى الشاعرين وان كان ظني يقول ان تركي لم يفهم ماكان يعنيه رشيد الزلامي:

رشيد:
هلا يامرحبا بالشاعر اللي من زمان الفين*** طلع طلعت قمر تمشي جماهيره على نوره
نشدنا عنه مستور العصيمي قال تركي زين*** نشدنا فيصل العيه وقال الارض ممطوره


تركي:
يدوم لك البقا يالشاعر اللي من سنة ستين*** على ماقيل والاجواد منهيه وماموره
اشوفك يالزلامي وانت فالعتبان منت بشين*** لكن اخذ السوالف كلها بالصوت والصوره



رشيد:
انا باعطيك قصه لاتقول العلم جاك منين*** تراها سالفه عند العرب بالحيل مشهوره
يقولون الخواجه حصل الجربوع شوف العين*** وحنث مايعود يشتغل في راس تنوره


تركي:
ابا اسمع ماتقوله يالزلامي والعلوم تبين *** وراع الشور لامنه هرج مايختلف شوره
اظن السالفه هاذي لها ياصاحبي وجهين*** نشرها صاحبي لو انها ماهيب منشوره


رشيد:
ياتركي يارفيقي تلعب الدنيا على الحبلين*** وتالي الوقت للشعار والجوال والكوره
انا اطرحها واذكيها واعود وادفن السكين*** وتعرفني مع الشعار لا لفه ولا دوره


تركي:
يقولك المثل درب الرجال الغانمين ايمين*** لو ان البحر الاحمر يشفطه ميتين ماصوره
ياليل السبت ياليل الاحد ياليلة الاثنين*** اظن الحال مامن حال والاوضاع مستوره


رشيد:
حليلك يارفيق ماتعلوقك البلا والبين*** وانا خايف تجي نكبه وتحلب كل مصروره
انا ابشر جوازي رايح للهند ولا الصين*** وخل مطير وعتيبه تراجع مجلس الشوره


تركي:
انا ماشي على دربي واشيل السيف ابو حدين*** وابو باكور قدم الناس ما يومي بباكوره

هنا الراوبط

http://file5.9q9q.net/Download/69273...mo37p.3gp.html

http://www.otaibah.net/ready/uploads...82SvhpdkL1.rar

التوقيع

عالم تويتر abofayeh@