العازمي
على الوعد .جيت .ليل العز بادي عيد وسعود = سلام للربع .والترحيب ماجوب الطراقي
من بعد سحب البساط اللي عليه ايحكم نمرود = ياسعود نمرود الاول وصّله نص اشتياقي
سعود العصيمي
على الوعد جيت فالميعاد عيد وعيد موجود = يامرحبا والطراقي قدرها طيبٍ يساقي
نمرود ياعيد رجال بلا ذمه ولا فود = لكن توكد من الرجال بالعلم الحقاقي
العازمي
هايفت مع ريع فيه الفتل قبل النقض مسدود = والمر مثل الحلا مايفرقه غير المذاقي
الحمل من عصر نوح انعرف فوق اشعيل مشدود = واليوم مايفرقه ,,غير الهدير اعنَ النياقي
سعود العصيمي
يابو طلال العلوم امزوح بين النقص والزود = وانته تعرف الجلال من العلوم من الدقاقي
لعلها ماتعود خلها تسري مع النود = حط الحمل فوق ظهر شعيل زال الليل باقي
العازمي
حنّا نحل الحبل لو الحبل بالحيل معقود = للطايله يالعصيمي كلنا نبني مراقي
من دار طايل قبل مده بسيطه دخن العود = يالله عسى مابقي للشر فالديره بواقي
سعود العصيمي
ماقلت لك لا عتيبه كلها ضباط وجنود = يوفون فالماقف الغصاب في يوم التلاقي
من يثبت الحجة اللي مالها توثيق بشهود = وانا صراحه على الرجال مدري ويش لاقي
العازمي
من خلقة الناس ماسد اللزوم اللازمه عود = والا البقيه على وضح النقا مابه فراقي
لاتجحد العلم وانته للفتايل جيت بزنود = مالوم حامي ربيعه لو نزح لارض العراقي
سعود العصيمي
لابالله العود فعله فالليال البيض والسود = مثبوت ماينكره ياكود مقلوب الطواقي
لاشفت الك واحد قاطع علاك الحد بحدود = وش تتسوي معه ياصاحبي من علم راقي
العازمي
ملحوق ملحوق ,, هاذيّه نهاية كل مطرود = واليا نشدت العواده قال في راسي عراقي
خاتم سليمان معه ولاعطاه آبوه داوود = مايحمل الخاتم الا من يديرون السواقي
سعود العصيمي
لوكل مطرود يلحق ماغدى للناس مجهود = واللي معرقآ على راسه حموله ماتطاقي
الله يديمه عليه نجاملك ماهيب منقود = مايلزم الناس قدم الناس عقد الاتفاقي