الهيـــــــــــــلا *** منتدى قبيلة عتيبة - عرض مشاركة واحدة - تغطية شاملة لفوز إبل العضياني 1425هـ بالصور والقصائد

راعي المغاتير · 26-Nov-2004, 12:01 AM

بسم الله الرحمن الرحيم
السلام عليكم ورحمة الله وبركاته اما بعد :-
بما اني من هواة الابل احببت ان اشارك للمره الاولى
بهذا الموضوع ونشالله مواضيع جديده في المره القادمه
الآ وهو فوز ابل الشيخ غازي بن عتيق العضياني " المغاتير"
الابل التى حققت المركز الاول مرتين على التوالي في مزاين القصيم
" الخرما" وحققت هذا العام المركز الثاني بعد منافستها على المركز الاول
ومنافسة البكرة " الغازية " على (الفردي) جائزة الملك عبدالعزيز رحمة الله

هذه جلسة بعد فوز الابل يتصدرها مالك الابل غازي بن عتيق

ابيات للشاعر ضيف الله بن نايف العتيبي
بحب خشم العضياني واباركله**قد فاز بالطيب قبل يفوز بالناقه
انا اشهد انه قليلٍ بالعرب شكله**دايم يمينه لفعل الطيب سباقه
عسى لياليه وايامه تضاحكله**معزته في صميم القلب خفاقه

صوورة البكرة " الغازية " التى نافسة على الفردي وسنها جذعه

هذه قصيده للشاعر محمد العتيبي

بين حشد من الملا لاح العمود **فالمنصه بيينٍ بارقابها
ذود شيخ هومته للي يكود ** والخساير مايحسب حسابها
فالغرايز مايحسب للنقود ** اجتهد لاجل الزايان وجابها
جاب سمحات المشارب والخدود** والغوارب للسماء ترقابها
ويوم تمشي كنها ترقى سنود** وكنها تبدي بروس هضابها
تتبع القعده مثل صف الجنود** لاوجهت ثم اوجعت حرابها
ذودنا دايم ورى الهقوه يزود** والغنايم لاغزت جتنابها
مثل يوم ينتوصف بالجرود** والقبايل ماتعرف حسابها
كنهم ورد تداحم للعدود** والموارد حضرت غيابها
وكل واحد مايبي الثاني يزود **والحضور اصحابها واجنابها
نومستنا والطمت عين الحسود **وحصلت شي يسر اصحابها
جهل هاك العود يبقى فالوجود** جاب رثمن جملت من جابها

هذه قصيد للشاعر المعروف / مرير الحبيل بفوز الابل في السنوات السابقه
عندما حققت المركز الاول

شوش ياراسي لفوز اهل الزعايم **وانشرح ياصدر فى ايامٍ سعيده
ياولد مسحل نبى نرم العمايم** فازو العضيان يانعم البديده
اشهد ان الفوز للعضيان دايم **والعتيبي فوزهم عيده وسيده
يوم هج الذود مع هاك الخرايم **جاك ذود اهل الوفا يتبع عقيده
يدّقل مثل البحر لاجا ك عايم **ثم تقدم للمنصه جا ك سيده
فاز عفر فالدبش مثل النعايم **فالمزاين قالت اللجنه فريده
فوزها فالزين واللون متلايم **مثل صيدٍ يفلس الي مايصيده
ذود غازي ماتعرض للهزايم **انشري فوز العتيـبي ياجريده
طبعكم ياهل الوفا كسب الغنايم **تكسبون الكايده لو هي مكيده
الغنايم جابها قو العزايم **والفعايل عز لصارت وكيده
انتم اهل الفوز في عصورٍ قدايم **تكرمون الضيف واللأرياء سديده

وايضا هذه ابيات للشيخ الشاعر/ سلطان الشغار
عاش من هو بالمنصه صفقوا له
00000 حاز بالوضح الجميلة رقم ثاني
قال منهو قلت غازي باركوا له
وباركوا للي شرا الوضح الزياني
جعل يسلم واحدٍ هذي فعوله
وياخذ الاول على قاصي وداني
شاهدله والريجيل شهدوا له
كاسبين النعم في ماض الزماني
المراجل ماتيها بالسهوله
مايجيب المرجله ضحك اللساني

وهذه ابيات للشاعر /مرير الحبيل

اليوم مبروك فوز الذود ياغازي **والصبح جعللك تفوز ابارد الجنه
يااهل المغاتير !! غازي ونحضر فازي **عامين واشوف الجوايز ماتعدنه

وهذه ابيات لـ محسن بن غزاي العضياني
يابوندى مبروك فوز المغاتير ** الي خذن الجايزه وافرحني
يازينهن من بين جمع الجماهير**لاصاح راعيهن وراه ارهجني
دقت على كبد المعادي مسامير**لامرهن ولا وطنه يوني

وهذه نتائج لجميع الفائزين
نال جائزة الملك عبدالعزيز بالناقة الفردي بادي بن دويد المرشدي العتيبي
للمره الثانية على التوالي
اما الأبل المغاتير . .
فقد حصل على
المركز الأول محمد بن سفرالبقمي 0
المركز الثاني غازي بن عتيق العضياني
المركز الثالث متعب العقيلي العتيبي
المركز الرابع نايف بن نماس العتيبي
. . الأبل الشعل . .
المركز الأول جمل بن ناصر القحطاني
المركز الثاني محمد بن مشعان العتيبي
المركز الثالث دغيليب بن دوفان العتيبي
المركز الرابع فراج بن عجب البقمي
. . الأبل الصفر . .
المركز الأول محمد بن مشعان العتيبي
المركز الثاني جهز بن مفرس الشيباني
المركز الثالث عايض بن منير الشيباني
المركز الرابع سالم بن سعود العتيبي
. . الأبل المجاهيم . .
المركز الأول سليمان بن صالح العتيبي
المركز الثاني جابر بن مرزوق المطيري
المركز الثالث جزاء بن سهوالحزيمي
المركز الرابع نوار السماري العتيبي

• وفي الختام ترقبوا الاعداد المقبله من مجلة بواسل
• حيث تم اجراء لقاء مع الشيخ غازي بن عتيق
• وتم التقاط الكثيرمن الصور
• وترقبوا موضوع اخر بعنوان تغطية شاملة لمزاين ام رقيبه لهذا العام
• ونشالله قدمت بما يحوز على رضاكم وينال استحسانكم وتقبلوا تحياتي وخالص احترامي وفائق تقديري
• اخوكم/راعي المغاتير falconer_999@hotmail.com