يالله لا تسّتر على واحد نمّ = اللى مشى بالهرج بين القرابه
فرق مابين الاخ والخال والامّ = ينغز بهرج يقول هذي دعابة
وسط الكلام يبهرّ الهرج بالسمّ = ياويل رجال (ن) غشيم التوابه
ياكم بيوت(ن) من سواياه تهدمّ = وياكم بيوت(ن) روحوها خرابة
يفرح لاسمع الهروج يتبسمّ = يدخل مابين الناس محد(ن) درابه
يحلف بربه كل ساعة ويقسمّ = انه يقول الحق لا وا عذابة
هذي حثالة مجتمع يا بني العم ّ= اقضوا عليهم قبل نغدي نهابة
يالله ياللى فارج الهم ّوالغمّ = تقضي عليها لاتزيد العصابه