معجب العتيبي
سلام تسليمة وفا تبدي مثل نور النهار=تسليمةٍ للأوله والثانيه ماليبها
السوق ياسلطان قالوا ماحصل فيه انهيار=وانا ادري انه من ثلاث اسنين مايحريبها
سلطان الجـذع
يامرحبا والثانيه مسيت يالمشرف بخاآآآر =الاوله ياطيبها والثانيه ياطيبها
ياصاحبي ياصاحبي دار بك وقتك واستدار =السارحه للريف ماندري متى تضوي بها
معجب العتيبي
دام البقا ياصاحبي والسالفه صارت بخار=صارت بخار وكل ربعك ياولد تدريبها
بندقك جودها وحذرا لايطيش ابها العيار=مادامها في يدك ياسلطان لاتسريبها
سلطان الجـذع
استغرب انك بيننا موجود ماانته في شهار !!!=العين ماتنظر بها والسمع ماتوحي بها
ليا تأكد حجزنا بأوكيه ماهو بإنتظار =كل الدعاوي ياوسيع المعرفه تدري بها
معجب العتيبي
اشهار للي فكروا بالفلسفه والانتحار=واشيب عينك يالجذع مما حصل واشيبها
السوق ياسلطان موضوعه لصناع القرار=يحللون السوق والأسعار في ترتيبها
سلطان الجـذع
شهار للي مستوي التفكير عنده فإنحدار =انا اعرف الاصحاب والايام مااعرف غيبها
من اليسار أليا اليمين ,,,,من اليمين أليا اليسار =حدد هدف طرقتك من قدام لاتمشي بها
معجب العتيبي
اشهار للي مايحسب لواقع الناس اعتبار=ونفسه على عكس الطريق يزود في تعذيبها
ياصاحبي حتى الحديد بهالزمن فيه انصهار=من يسلك دروب المعاند ياولد يغديبها