راع العلطا
سلام يا المنتدى كله ويا مرزوق حمدان=يامشرف المنتدى راسي عصبته بالعمامه
كل ً تعب والتعب كله على شان وعلى شان=وانته حكم ساحة الملعب ويامال السلامه
مرزوق حمدان العتيبي
يامرحبا يالمسلم دوب لعب الملعبه زان = والرجل ياصاحبي مثلك يشرفنا مقامه
اتعب وتلقى النتيجه طيبه ياطير حوران = والله يوفق سليل المجد ويحقق مرامه
راع العلطا
ألك البقا يالمرحب والصحيح إشعار الأيمان=واللعب والملعبه والرجل خدً فيه شامه
الله من كاين ً يا لجنة المليون ماكان=غطى كيانه على ماقال منظر وابتسامه
مرزوق حمدان العتيبي
الذيب كانه عوى غيره ذياب ٍ وسط الاوطان = احد ٍ يصيد السمينه واحد يقنع بالحمامه
الناس محد ٍ بحكم اهل الذكاء والعرف قنعان = ياصاحبي لاتلحقهم بعد هذي ملامه
راع العلطا
انا ليا الأن ماقلتلك يامرزوق غلطان=مار انت حسيت بالغلطه وقومت القيامه
زود الذكاء ينعكس والعرف له كفه وميزان=يامكرم الناس هونا مانبغالك كرامه
مرزوق حمدان العتيبي
ينبيك عن محتوى المكتوب بعض امرار عنوان = وانته سنافي ولكن فيك من بعض الغشامه
خلطت زين المعاني مع علوم ٍ مالها اثمان = والرجل قدام يطلع هرجته يازن كلامه
راع العلطا
اضحك وسولف معي وراك من دعواي زعلان=لاعاش من يزعلك لاعاش فرصه وغتنامه
مانيب بلشان ياراع المثل مانيب بلشان=ماني وسيم ولالد العين في سوق الوسامه
مرزوق حمدان العتيبي
مال الزعل ياعميل الخير داعي بين الاخوان = والحق واضح ولا تخفيه عن عينك غمامه
انته علامك كذيا تصتفق من بين جيلان = وقليبك اسود ولو يبدي لنا منك ابتسامه