عفوأً هناك بيوت سقطت سهوا لذا ارجو المعذرة
وأرجو من الإدارة تعديلها وهاهي القصيدة بالشكل الصحيح,
مرحـوم ياشيـخٍ عزيـزٍ فقدنــاه = عبدالعزيز اللـي يجيـب النفيلـة
شيخٍ عتيبـه كلهـا اليـوم تنعــاه = وينعونه اللـي يتعبـون الأصيلـة
مرحوم ياللي تفعل الطيـب يمنــاه = كساب مـردود الثنـا والجزيلـة
عز الخوي واللي من البعد ينصاه = معروف أبو جامع ولابه جهيله
مزبان من حده زمانه على أقصـاه = عبدالعزيـز اللـي يشيـل الثقيلـة
شيخٍ من شيوخٍ على العـز منشــاه = عسـى عظامـه ماتجيـه المليلـة
وعساه بالفردوس نزله ومثواه = بين الغصون المثمرة والظليلة
في جاه من نخشى منـه ونترجــاه = اللي من المنشـا يجيـب المخيلـة
يارب فـي لطـفك من النـار تاقاه = ويدوم عز عيالـه أهـل الفضيلـة
جامع واخوانه واهل العز والجــاه = واجبر عزانـا فـي فقيـد القبيلـة
ولا مات من خَلََفْ لـو أقفتْ مطايـاه = أمثال جامع عز من يعتـزي لـه
شيخٍ عسى رب المخاليـق يرعــاه = مثل النداوي مـا كـره بالطويلـة
وختامها عـداد مـزنٍ نثـر مــاه = وعداد ماينبـت بوسـط الخميلـة
صلوا على اللي بيََنْ الحق وأبــداه = المصطفى نور الهـدى والفضيلـة
ا
لشاعر / سعد سعود بن مغلي الحزيمي العتيبي.