أحمد بن حامد الزايدي
سلام الله سلام من ضمير يبدع القيفـان=ضمير الشاعر اللي يوفي الوافين في حينه
أحب الشاعر اللي حزت الميقاف مايـدان=ماتنقص مدته بين الرجال وربـه أيعينـه
مشاري الشلاحي
هلا يامرحبا ترحيبةٍ من صافي الوجدان=ترى الطيّب ليا سلم نجي حنا ملبينـه
أنا شاعر ولا أجيب الرديه والعلوم تبان=أحب الطيبة وأمشي طريق محمد ودينه
أحمد بن حامد الزايدي
يدوم الك البقا وأنته كريم وتكرم الضيفان=تبيع وتشتري بالطيب وأهل الطيب شارينه
وأتا مثلك تراني مارغب التحقير والنقصان=ليا جاني علوم غانمـه فالشعـر يازينـه
مشاري الشلاحي
بعد ما جيت قرب وأشرب البراد والرسـلان=وأنا أشري الطيبة ماجيبها سلفة ولا دينـه
تقدم وأحتزم يأحمد ترى الحبه على النيشان=ويبين اللي مع الطرقه يبي يقطعه بنزينـه
أحمد بن حامد الزايدي
بعد ماجيت يامشاري ولليل الشعر راق وزان=أبا أعرف من يثمن للرجال وتوفي ايمينـه
وأنا متحزم بسيف شطير وبالشعـر فهمـان=وموترك انت فالطرقه يبـا يلـذع بليتينـه
مشاري الشلاحي
أنا أدري أنك ليا جاء فالمواقف واللزوم حصان=وأنا رجال عن مد الوفـاء مـا تقصـر يدينـه
ترى ما أنته بلا مطلق ولا أنته مثل أبن جرشان=وأبن شالح ترى أنته يالنفيعي تحـت تمرينـه
احمد بن حامد الزايدي
مادام أنك تقول أني أقرر شوكت الميـزان=لاعاد تغير علومك وهـي بانـت براهينـه
أضنك مانته بزيد أبن سلمي شاعر المطران=وأبن شالح ليا هل حين ماقـرت موازينـه