انسق لكم هذه المحاورة بيني وبين الاخ محمد صالح العطاوي:
العطاوي
ياسلامي سلام يعم كـل الرجـال=والعلوم الجزيلـه كلهـا مطلبـي
اقرب اقرب شويه ياصحيبي طلال=دام قامت هجوس الفكر لي تقربي
بدر
مرحبـا عـد مـا تـرزم رعـود الخيـال=مطلـبـك مطلـبـي ياطـيـب المـذهـبـي
بالنيابه عـن الغايـب علـى كـل حـال=لين اشوفك مخالف عن طريق النبي
العطاوي
عقب ماجابك الله يالمطيـري تعـال=هات علمك وعجل قوللي وش تبـي
ما يشيل الحمول الا قـوى الجمـال=وانت رجل(ن)تعرف العلم مانت بغبي
بدر
جيت واللي على بالي ماجاله مجـال=اطـول اثيابكـم مـوصـل حــد اركـبـي
مار دامك جمل شيـل الحمـول الثقـال=وان بلشت اطلب الله ياعيون الضبي
العطاوي
ما علي بالك الا الشين يابن الحلال=دام هـذا كلامـك روح لاتلعبـي
مالك ومال حر الشمس دور ضلال=واحذر الحيه ام الناب والعقربـي
بدر
ربما.. ماتفيد النـاس غيـر احتمـال=اعتبرني عطاوي منْي ضيف اجنبي
ماعلى الله عسير ولاعلى الله محال=مــار رؤس الحيـايـا كلـهـا بشنـبـي
تحياتي للجميع