دلبوح
والا يا ربعنا الشعار جاكم شيخكم دلبوح = يشيل المسوقة ويبطح الاول على التالي
كبنه خاطره من لعبكم يا اصحابنا مجروح = تغنون البيوت ونصكم من فهمها خالي
معجب العتيبي
والا ياصاحبي دلبوح مالك فالعرب مصلوح=مدام انك على اهل المعرفه يافلان متعالي
مدامك من فعايلهم تشيل المسبحه وتنوح=نصيحه لاتقربهم وخلك فالخلا الخالي
دلبوح
كلامك يالعتيبي ما تبا للشعر ذوق وروح = تبالك بيت مقادى ولو غناه بنقالي
ترى دلبوح يا معجب زعيم في سفينة نوح = زعيم واجه الرجلي وشرّد كل خيالي
معجب العتيبي
كلامي ينقد الاسلوب يادلبوح يالمملوح=وانا ماضنها ياصاحبي من قولي لحالي
سفينه والسفينه قدمها موجٍ يهز اللوح=واضنه يلقط البحار لين يطير بالعالي
دلبوح
كلام الصدق ما ينقد كبنه واضح مشروح =ولو ان الحسن غسان جاله بيننا عيالي
ترى موج تقوله يالعتيبي فالبحر مسبوح = سبحته غصب ما حرّك علوه رزة عقالي
معجب العتيبي
كلام صويحبي توه بدا يااصحابنا بوضوح=يقول ان الحسن من بينهم يالربع ويلالي
الا ياصدق بعض الناس يسبح فالبحر مبطوح=ويسبح فوق راسه غترته وعقال ميالي
دلبوح
كحلت العين لكن جبت فيها العيد يالمفضوح = لزوم تسافر لعمّان لاجل العم والخالي
والا يالله تكمّل صاحبي بالعقل لين يروح = اشوفه فاخت المعنى واظنه صابه هبالي
معجب العتيبي
ماضن صويحبي دلبوح يا اهل المعرفه منصوح=اشوفه في عماه ولا سمع جدٍ ولا خالي
ولا ياصاحبي وش فيه قلبك دايماً مفتوح=ترا بعض السوالف ياعميلي مالها والي