الحر النادر
الليله المعنى ورى القيفان والبارق سرى = بيني وبينك يامعيجب قولها واقوالها
اللي يغر بدنيته ماهوب مثل اللي ضرى = النايفه لهل العلا وسهولها لسهولها
معجب العتيبي
الليله المعنى على المدفون ماهوب جهرى=بيني وبينك والجمال مجهزه لحمولها
اللي جهل ياصاحبي ماهوب مثل اللي درى=والعاليه ياصاحبي ماكل رجل يطولها
الحر النادر
يامرحبا بك ياسليل الصامل اللي لاجرى = مايعشق الا الكايده وزحولها لزحولها
راحت علينا يابن عمي لاوجيه ولا ثرى = والمهره اللي جاتهم فزولها فزولها
معجب العتيبي
دام البقا واللي يقول الصدق عمره ما افترى=ياذخر من يطلب معالي مجدها وينولها
ماخاب من يمسك يابن عمي قويات العرى=والرجل ماياصل بثنتينك ولاهو حولها
الحر النادر
اللي سرح واللي سرى واللي درى واللي زرى = كل(ن) غدى يوم انثرت مجدولها بهلولها
غيرك كثير اللي تعنا عقب ماحاله برى = سحابة(ن) مايرتوي محصولها بهطولها
معجب العتيبي
كلن يبـا وانته تبـا لكـنّ عوّد للورى=العلم عند الفاتنه ياصاحبي وش قولها..؟
ماكل من يدخل على سوق الغلا طب وشرى=الناس ياراع المعرفه مالقت محصولها
الحر النادر
علم(ن) يسرح صوب اهل طيبه وصوب ام القرى = عيني لو يمر الغضي ماحولها ماحولها
من مات دون الكعبه محول معى طلعت كرى = شهيد عند الله وانا مسئولها مسئولها
معجب العتيبي
ياللي عكست السير فعلك فالملا لا ماجرى=هرجتك هذي عند خلق الله يزيد عذولها
الظاهر انك جبتلك دينٍ ماهو دين البرى=والكلمه اللي قلتها ماجبتلي مدلولها