سارح البال
سلامي وارسله عبرالفضا يمشي بدون اسلاك =بدون اسلاك ياصل للخوي اللي على بالي
ياناصرياوسيع العرف كان الحرف مر وجاك=نبا ناخذ علومك والكلام الزين ينقالي
ناصر الجلاه
هلا يامرحبابك يالعتيبي والردي يفداك=رفيقي وابن عمي والعلوم طوال وجزالي
تكلم هات ماعندك ع الأرسال أنا وياك=علومي تاصلك مع شاشة الجوال طوالي
سارح البال
اسرائيل ابتدت بحصارها والفعل مايخفاك=وانا اشوف العرب قامت تذوق الهم والصالي
وانا بنشدك من مبطي لكني ياولد ما القاك=ابا اعرف وش مصيرك مر وألا عشت فالحالي
ناصر الجلاه
ماترضى عنك يالينك تجيها حيث ماتبغاك=ولايصلح لها يامعجب ألا حرب وقتالي
بنادم يابنادم ماعلمت بخافية دنياك=انا من فضل ربي يالعتيبي دالهن سالي
سارح البال
ياناصر لاتحبب للقصيره وانتبه لخطاك=وتحيزم للعلوم الثانيه لاجالها فالي
وانا ماضنها ياصاحبي تقوا على شرواك=لو امريكا تجي تدعم براس سكود والمالي
ناصر الجلاه
ليامن صار شربك مايجي لك من فعل يمناك=مصيبه والمصيبه كان قامت تضرب الجالي
مافيك قصور يابن روق مربانا كما مرباك=فعايلنا جزيله خل قوم القيل والقالي
سارح البال
انا اذكر يوم حطو في طرف غزه ثلات شباك=وقالوا مانبا فشباكنا الا واحدن غالي
ورا مانلفت انظارن لها سود الخطط تنحاك=من اشبالن لها في عالي المرقاب منزالي
ناصر الجلاه
انا اذكر وانت تذكربس لاجاني ولا أحد" جاك=مخايل خيلت بالحقد لكن سيل ماسالي
يامعجب لا يهمك لاشن امحق فالقفا يشناك=لياطالك بقوله مايساوينا بالافعالي