السلام عليكم ورحمته الله وبركاته :
أبد مابه الا سلامتك 
... مبروك علينا وعليكم هالشهر الفضيل 
والله يجعلنا من صوام هذا الشهر وقوامه ...
لا تسثرون (تكثرون) من الفطور يا الربع تراهم مهوب زين << علم نفسك .. ؟ 
الحقيقة البعض يقول ان رمضان ما أهنا أكل فيه والواحد جوعان ولا هوب ياكل
واللي انا شفته غير 
.. شفت دبغ واكل وضرب النعمه يالله لك الحمد
المهم مهوب هذا موضوع ... انا من زمان ما كتبت عندكم ... و قلت لابد نسير
على ربعنا عتيبه ... ونطرح لهم موضوعً عبارة عن قصائد في الونيت ..
ادخل الشعراء وسيلة النقل ضمن أشعارهم واكثر الوسائل التي ادخلوها هي :
السيارة وهي مايسمى((الونيت)) ويصف الشاعر سرعتها او اعطال بها او قوتها.
ونتطرق بها الموضوع الى بعض من الابيات فيما قيل بالسيارة :
الشاعر سعد بن جدلان الاكلبي. يصف بالسيارة وصفا رائع يقول:
يا راكب اللي صممته الولايـات=الى امريكا فالمصانـع تصبـه
تصميم شركة (كلهان) الخواجات=مورده من(يـون يرك)ونصبـه
كذلك الشاعر حميد الذيابي في وصف (جي . ام):
ياراكب اللي حرف (جي . ام) يزهاه=لادق سلفه غـادي لـه هديـري
مفحوص الباككس والزيت معمـاه=ومعلق بيـن القـزوز السبيـري
لادق سلفـه والبساتـن مصفـاه=قامت بلوف النار تزفـر زفيـري
الشاعرة بخوت المرية توصف السياره حيث تقول:
ياحن قلبي حن(ماك) مع الطلعات=لاعشقه بالعادين والدبـل جـره
حمله ثقيل وحملوه فوقه البايبات=وراعيه يدعس بانزينه ولاسـره
عبد الله بن عبار جاد وصفه في السياره والابيات توضح ذلك:
ياركب اللي عارف مبلغـه بيـش=عزاه للمفلس يمره علـى مـاش
مايشتريه اللي امـوره تناويـش=متعند راعيه يبـي الثمـن كـاش
ما زاودوا به بالحراج المغاشيـش=ولادخل التصليح في وسط الاوراش
يجري كما التيارلا راكـب الفيـش=والا كما لمع المصور بالافـلاش
يصور الشاعر حامد الهديبي حنه قلبه حيث يقول:
انا حن قلبي حنـة الجيـب ابوقيريـن=ضرب له غراز وفارق القار والراحـه
ضرب له نفود وتو جيبه على التمرين=سرى من الكويت وبافي الضلع مصباح
اما الشاعر الكبير بندر بن سرور فيقول عن الفرت:
يااهل الونيت اللي يبا مشتل البيب=مادق صدره بالخطـوط الغزيـره
يوم ايتخثع في.... محيل الاداعيب=يشدي تخثع جادل فـي الغزيـره
لاتجربنه مايبا الفـرت تجريـب=قد جربه بالبيت الابيـض خبيـره
فيه قصيدة الشاعر عبد الله بن عبار الصراحه الابيات جزلة وقوية معانيها
ويقولك الشاعر ناصر الفايز وقصيدته تصلح سامريه :
يا سعد حرك على الفرت بسكينه=لاتفوت بيوت اهل جالي عذابـه
غض صوب مراحهم لين استبينه=ان لقيت فيـه والا اروح ترابـه
قصايد بندر بن سرور في الونيت والفرت كثيره
وتتميز بالجزاله وقوة الالفاظ وترابط المعاني ويقول في احدى قصايدة :
راكب اللي يوم طب من النفـود=يكن صلفات الهبايـب عـج ويلـه
ماوقف بطريف لسلاح الحـدود=يوارد ابن ايـوب والسايـق دليلـه
صوت سيره يوم غنـا بالعمـود=يصوت ديب وارد على راس الطويله
ومن القصايد هالهجينيه المعروف والرائعة :
يا حن قلبي حنيـن بيـوك=لاعشقوا له على الثانـي
في سهلة فرمله مفكـوك=سواقه خضيـر سودانـي
يا سعود ياخوي عاين دوك=كيـف الكراجـي تعدانـي
عقب التفندي وركب بيوك=اليوم في وسـق حمالـي