من قصائد الشاعر محمد قبلان القثامي
:: ₪ :: العين تدمع والأيادي تبايــع :: ₪ ::
الـعـيـن تـدمــع والايـــادى تـبـايـع
بيعـة وفـا لاهــل الـوفـا والكـرامـه
فجعـتـنـا يـامــوت يــابــو فـجـايــع
فـى مـوت شيخ(ن)للعروبـه زعـامـه
يـــاالله يـامـطـلـوب راع الــودايــع
وداعـتــك يــــارب تــرفــع مـقـامــه
شيخ(ن)لفا عفوك منيب(ن)وطايع
اغفـر لـبـو فيـصـل وبــرد اعضـامـه
ينعاه طفل(ن)مامـرح الليـل جايـع
وتنعـاه فـي عـش الحنـان الحمامـه
وينعـاه قلب(ن)مـن فراقـه مزايـع
خـيـم عـــلاه الـحــزن وابـــدا عـلامــه
ونفخرببو متعـب كريـم الطبايـع
اللـى لبـس تـاج الشـرف والشهامـه
حكـامـنـا الـلــى مـالـفـونـا نــزايــع
العـهـد مـنـا لـيــن يـــوم القـيـامـه
ياسيـدى جينـاك شعـب(ن) يـبـاع
حنـا عتيبـه وانــت رجــل الزعـامـه